Yiracogo modɛliw
Bibulukalanw daminɛcogo marisikalo ka samedi fɔlɔ la
“Koo dɔ bena kɛ awirilikalo tile 14nan na. An nana o kofɔ aw ye. O ye Yezu ka saya sanyɛlɛma koo ye. Dɔw bena o koo kɛ sabu u b’a miiri ko Yezu ka saya kɔrɔtanin lo. Nka dɔw tɛ Yezu ka saya kɔrɔ tigitigi lɔn. E ka miiri la, yala Yezu ka saya be ele ni ne nafa wa?” Mɛnni kɛ a tigi fɛ. Marisikalo tile fɔlɔ ka La Tour de Garde ɲɛɛ laban yira a tigi la. A’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.
La Tour de Garde 1er mars
“Tilenbaliyakow ni tɔɔrɔ minw be duniɲa kɔnɔ, mɔgɔ caaman m’a lɔn mun na Ala tɛ dɔ kɛ dɔ ye k’u ban. Yala o kɔrɔ ko Ala t’a janto an na, wala ale fɛ a ka ɲi adamadenw ka tɔɔrɔ wa? [Mɛnni kɛ a tigi fɛ. O kɔ, Zan 3:16 kalan.] Mɔgɔ caaman b’o vɛrise kalan k’a yira ko Ala b’a janto an na. Nka, u t’a lɔn tigitigi cogo min na Ala Dencɛ ka saya yɛrɛ be se k’u nafa. Zurunali nin b’a yira cogo min na Yezu ka saya bena kɛ sababu ye tilenbaliyakow ni tɔɔrɔw ka ban duniɲa kɔnɔ.”
Réveillez-vous ! Mars
“An y’a kɔrɔsi ko mɔgɔw ka miiriya tɛ kelen ye wari koo la. Dɔw b’a miiri ko wari lo ye koo jugu sifa bɛɛ sababu ye. Nka dɔ wɛrɛw fɛ, wari be se k’an tanga koo ma ani ka hɛɛrɛ lase an ma. E be mun lo miiri o koo la? [Mɛnni kɛ a tigi fɛ. O kɔ, 1 Timote 6:10 kalan.] Bibulu b’a yira an ka ɲi ka wariko jati k’a dama kɛɲɛ cogo min na. O koo ɲɛfɔra zurunali nin ɲɛɛ 8-9 kan.”