An ka lannakow ɲɛfɔcogo saan 1914 koo la

Bibulu b’an jija ko an “labɛnnen ka sɔrɔ tuma bɛɛ” ka an ka lannakow lafasa. An ka ɲi k’o “kɛ ni majiginlenya ni bonyali ye.” (1 Piyɛri 3:15, 16, Bible senuma). Nka, an be se k’a ye ko a man nɔgɔ ka Bibulu ka tiɲɛn kuma dɔw ɲɛfɔ sabu u kɔrɔ ka dun, i n’a fɔ: An b’a lɔn cogo di ko Ala ka Masaya sigira sen kan saan 1914 la? Walisa k’an dɛmɛ, barokun dɔw be sɔrɔ ɔkutɔburu ani novanburu ka La Tour de Garde kɔnɔ. O barokunw kuun ko: “Conversation avec un Témoin de Jéhovah: Quand le Royaume de Dieu a-t-il commencé à régner?” François ka kɛcogo yirala yen. O barokunw lajɛtɔ, an ka miiri jukɔrɔla ɲiningaliw la.

Cogo juman na François ye . . .

• a lamɛnbaga tando walisa ka bɛn kelen ma n’a ye?—Kɛw. 17:22.

• a ka lannakow ɲɛfɔ ni majigilenya ye?—Kɛw. 14:15.

A ye min kɛ, mun na o ɲɛna?

• A segira hakilinata jɔnjɔnw kan sanni ka taga ɲɛ ni baro ye.

• A ye min ɲɛfɔ, a lɔra tuma dɔw la walisa ka ɲiningali kɛ k’a filɛ n’a lamɛnbaga y’o faamu.

• A m’a ɲini ka koo caaman ɲɛfɔ a lamɛnbaga ye siɲɛ kelen.—Zan 16:12.

Bibulu ka tiɲɛn kuma minw kɔrɔ ka dun, u faamuyali nege be mɔgɔ dɔw la. An Karamɔgɔba Jehova b’an dɛmɛ k’u ɲɛfɔ u ye. An b’a waleɲuman lɔn kosɔbɛ o kosɔn!—Ezayi 30:20.