Tugu Yezu kɔ ni ŋaniya ɲuman ye

6:9-11, 25-27, 54, 66-69

Tuma min na Yezu ye ɲɛyirali dɔ ta a ka kalandenw ma min faamu, u dɔw hakili ɲagamina ani u ma sɔn ka tugu a kɔ tugun. Loon kelen ka kɔn o ɲɛ, Yezu tun ye kabako dɔ kɛ k’u balo. O tun b’a yira ko a ka sebagaya bɔra Ala yɔrɔ. Nka, mun kama u hakili ɲagamina? N’a sɔrɔ u tun be tugura Yezu kɔ walisa k’u yɛrɛ nafa dɔrɔn lo ɲini. U tun be tugura Yezu kɔ bololafɛnw lo kosɔn.

An kelen kelen bɛɛ ka ɲi k’an yɛrɛ ɲininga ko: “Mun na ne be tugura Yezu kɔ? N’ be duga minw sɔrɔla sisan ani n’ bena minw sɔrɔ sinima, yala n’ be tugura Yezu kɔ o dɔrɔn lo kosɔn wa? Wala n’ be tugura Yezu kɔ sabu n’ be Jehova kanu ani n’ b’a fɛ a dusu ka diya n’ kɔrɔ wa?”

N’an be Jehova sago kɛra koo nunu dɔrɔn lo kosɔn, mun na o be se ka kɛ an kunnatiɲɛni sababu ye?

• A ka di an ye dɔrɔn ka kɛ ni Jehova sagokɛlaw ye.

• An b’a fɛ ka ɲɛnamaya kɛ alijɛnɛ kɔnɔ.