Balimamusow be se ka baara caaman kɛ Jehova ye cogo di?

Balimamusow be dɛmɛ don bɛrɛbɛrɛ Masaya ka koow la (Zab. 68:11). U be bibulukalan kɛ ni mɔgɔ caaman ye. Kudayi piyɔniyew fanba ye balimamusow lo ye. Balimamuso waa caaman be baaraba kɛ Betɛli la, dɔw ye misɔndenw ye, dɔw b’u yɛrɛ di an ka batolibonw lɔli baara kama, ani dɔw be baara kɛ bayɛlɛmani birow la (Talenw 14:1). Hali ni balimamusow tɛ se ka kɛ diinan mɔgɔkɔrɔw wala kɔrɔsigi cidenw ye, u be se ka kɛ ni laɲinita dɔw ye kafo kɔnɔ. N’i ye balimamuso ye, cogo jumanw na i be se ka baara caaman kɛ Jehova ye?

• A ɲini ka kɛ ni jogo ɲumanw ye.—1 Tim. 3:11; 1 Piyɛri 3:3-6

• Balimamuso minw tɛ koo lɔn ten, a ɲini k’u dɛmɛ.—Titi 2:3-5

• Dɔ fara i ka waajuli baara kan ani a kɛcogo fisaya

• A ɲini ka kaan wɛrɛ degi

• A ɲini ka yɛlɛma yɔrɔ minw na weleweledalaw man ca

• Demandi kɛ walisa ka taga baara kɛ Betɛli la wala ka dɛmɛ don batolibonw lɔli koo la

• Demandi kɛ walisa ka taga Masaya waajulikɛlaw ka lakɔli kɛ

VIDEWO NIN FILƐ: ‘MUSO MINW BE BAARA KƐRA MATIGI YE KOSƆBƐ.’ O KƆ, ƝININGALI NIN JAABI:

• O balimamusow kelen kelen bɛɛ ye min fɔ, o b’i jija cogo di?