An be mɛnni kɛ Ala fɛ cogo di?

Ala be kuma an fɛ Bibulu kɔnɔ. 2 Timote 3:16

Tiɲɛn Ala ye cɛɛ dɔw ɲɛminɛ, u y’a ka miiriyaw sɛbɛ kitabu senuman dɔ kɔnɔ. O kitabu ye Bibulu lo ye. Kunnafoni nafamanw b’a kɔnɔ Ala b’a fɛ i ka minw lɔn.

Ala b’a lɔn min ka fisa an ma ani ale lo be se ka hakilitigiya sɔbɛ di an ma. N’i be mɛnni kɛ a fɛ, i bena kɛ hakilitigi ye tiɲɛn na.​—Talenw 1:5.

Ala b’a ɲini adamaden kelen kelen bɛɛ fɛ a ka Bibulu kalan. A be sɔrɔ kaan caaman na.

N’i b’a fɛ ka mɛnni kɛ Ala fɛ, fɔɔ i ka Bibulu kalan ani k’a faamu.

Duniɲa yɔrɔ bɛɛ la, mɔgɔw be lamɛnni kɛra. Matiyo 28:19

Jehova Seerew be se k’i dɛmɛ ka Bibulu faamu.

Duniɲa bɛɛ kɔnɔ, u be mɔgɔw kalan u ka tiɲɛn lɔn Ala koo la.

O kalan be kɛ gwansan. I be se fana ka lɔnniya sɔrɔ Ala koo la Jehova Seerew ka Masaya Boon kɔnɔ i sigida la.