5 Ndien Moses okot ofụri Israel+ onyụn̄ ọdọhọ mmọ ete: “O Israel, ẹkop mme ewụhọ ye mme ubiereikpe+ emi ntịn̄de nsịn mbufo ke utọn̄ mfịn emi, mbufo ẹnyụn̄ ẹkpep mmọ ẹnyụn̄ ẹtịm ẹkpeme ndinam mmọ.+

18 Ke ntre, ẹkpeme nte mbufo ẹkpan̄de utọn̄; koro owo ekededi eke enyenede, ẹyedian ẹnọ enye,+ edi owo ekededi eke mînyeneke, ẹyebọ enye kpa se enye ekerede ete imọ imenyene.”+

14 Ndien n̄wan kiet emi ekerede Lydia, anyam-ọfọn̄ uduot mmọn̄ibọn̄, emi otode obio Thyatira+ onyụn̄ edide andituak ibuot nnọ Abasi, akpan̄ utọn̄, Jehovah onyụn̄ eberede enye esịt+ anam ọnọ ntịn̄enyịn ke mme n̄kpọ emi Paul etịn̄de.

11 Edi mbon Beroea ẹma ẹnyene in̄wan̄-in̄wan̄ esịt ẹkan mbon oro ẹdude ke Thessalonica, koro mmọ ẹkebọde ikọ Abasi ye ata ọkpọsọn̄ udọn̄, ẹnen̄ede ẹdụn̄ọde+ N̄wed Abasi+ ke usen ke usen ẹte ise m̀mê mme n̄kpọ emi ẹdi ntre.+

2 Ntak edi oro oyomde nnyịn itịm ikpan̄ utọn̄ ke mme n̄kpọ oro nnyịn ikokopde,+ mbak nnyịn idifiọrọ ikpọn̄ usụn̄.+