16 Ẹyet idem mbufo;+ ẹnam idem mbufo asana;+ ẹmen ndiọi edinam mbufo ke enyịn mi ẹfep;+ ẹtre ndinam idiọk.+

14 Yet esịt fo asana ọbọhọ idiọkn̄kpọ, O Jerusalem, man ẹkpenyan̄a fi.+ Adan̄a didie ke mme ukwan̄ ekikere fo ẹdisụk ẹdu ye afo?+

5 mmọ ẹdọhọ ẹte, ‘Mbọk, yak owo kiet kiet afiak edem ọkpọn̄ idiọk usụn̄ esie, mbufo ẹnyụn̄ ẹkpọn̄ ndiọi edinam mbufo,+ ẹnyụn̄ ẹdụn̄ ke isọn̄ emi Jehovah ọkọnọde mbufo ye mme ete ete mbufo toto ke eyo oko tutu esịm anyan ini emi edide.+

30 “‘Mmọdo nyekpe ikpe mbufo owo kiet kiet nte ekemde ye mme usụn̄ mbufo,+ O ufọk Israel,’ uyo Jehovah Akakan Ọbọn̄ Andikara edi emi.+ ‘Ẹfiak edem, ẹkam ẹfiak edem ẹkpọn̄ kpukpru ubiatibet oro mbufo ẹbiatde,+ ẹkûnyụn̄ ẹyak baba n̄kpọ kiet edi n̄kpọ iduọ oro anamde mbufo ẹdue.+

14 “O Israel, fiak tiene Jehovah Abasi fo,+ koro afo amatuak ukot ọduọ ke ndudue fo.+

3 “Ndien dọhọ mmọ ete, ‘Ntem ke Jehovah mme udịm ọdọhọ ete: “‘Ẹfiak ẹtiene mi,’+ uyo Jehovah mme udịm edi emi, ‘ndien ami nyafiak ntiene mbufo,’+ Jehovah mme udịm ọdọhọ.”’