1 Chronicle
26 Ndien ke otu mme ekpeme-inuaotop:+ Eke nditọ Korah+ ekedi Meshelemiah+ eyen Kore, emi okotode ke otu nditọ Asaph. 2 Ndien Meshelemiah ama enyene nditọ: Zechariah akpan, Jediael udọ, Zebadiah ọyọhọ ita, Jathniel ọyọhọ inan̄, 3 Elam ọyọhọ ition, Jehohanan ọyọhọ itiokiet, Elieho-enai ọyọhọ itiaba. 4 Obed-edom+ ama onyụn̄ enyene nditọ: Shemaiah akpan, Jehozabad udọ, Joah ọyọhọ ita, Sacar ọyọhọ inan̄, Nethanel ọyọhọ ition, 5 Ammiel ọyọhọ itiokiet, Issachar ọyọhọ itiaba, Peullethai ọyọhọ itiaita; koro Abasi ọkọdiọn̄de enye.+
6 Ndien nditọ ẹmana ẹnọ Shemaiah eyen esie emi ẹkedide mme andikara ufọk mme ete mmọ, koro mmọ ẹkedide n̄kpọsọn̄ owo emi ẹnyenede ukeme. 7 Nditọ Shemaiah ẹkedi Othni ye Rephael ye Obed, Elzabad, emi nditọete mmọ, kpa Elihu ye Semachiah ẹkedide iren emi ẹnyenede ukeme. 8 Kpukpru mbon emi ẹkedi nditọ Obed-edom, mmọ ye nditọ mmọ ye nditọete mmọ, mbon emi ẹnyenede ukeme ye odudu ndinam utom, owo ata ye iba ke ubon Obed-edom. 9 Meshelemiah+ onyụn̄ enyene nditọ ye nditọete emi ẹdide mbon emi ẹnyenede ukeme, owo efịteta. 10 Ndien Hosah emi otode otu nditọ Merari enyene nditọ. Shimri ekedi etubom, idịghe enye ekedi akpan+ edi ete esie ama emek enye etubom;+ 11 Hilkiah ọyọhọ iba, Tebaliah ọyọhọ ita, Zechariah ọyọhọ inan̄. Kpukpru nditọ ye nditọete Hosah ẹkedi owo duopeta.
12 Ke mme otu mme ekpeme-inuaotop emi, utom mme etubom ekedi ukem ye eke nditọete mmọ+ ke ndisan̄a utom ke ufọk Jehovah. 13 Ntre mmọ ẹsịn afia+ ẹnọ n̄kpri ye ikpọ owo ke ufọk mme ete mmọ,+ man ẹkpeme nsio nsio inuaotop. 14 Ndien afia ọduọ ọnọ Shelemiah+ ke n̄kan̄ edem usiahautịn. Ndien mmọ ẹsịn afia ẹnọ Zechariah+ eyen esie, kpa ọnọitem+ emi enyenede mbufiọk, ndien afia ọduọ ọnọ enye ke n̄kan̄ edem edere.+ 15 Eke Obed-edom ọkọduọ ọnọ enye ke n̄kan̄ edem usụk, ndien eke nditọ+ esie edi ke mme ufọk ubonn̄kpọ.+ 16 Shuppim ye Hosah+ ẹkenyene eke mmọ ke n̄kan̄ edem usoputịn emi ekperede Inuaotop Shallecheth ke ọkpọusụn̄ emi ẹsan̄ade ẹdọk, ndien otu mbon ukpeme+ n̄kan̄ emi ekem ye otu mbon ukpeme+ n̄kan̄ eken; 17 nditọ Levi itiokiet ẹkekpeme edem usiahautịn; ke edem edere, inan̄ ke usen; ke edem usụk, inan̄ ke usen;+ iba iba ke mme itie ubonn̄kpọ;+ 18 inan̄ ke etehe edem usoputịn, inan̄ ke ọkpọusụn̄,+ iba ke etehe. 19 Mmọ emi ẹkedi otu mme ekpeme-inuaotop ke otu nditọ Korah+ ye nditọ Merari.+
20 Amaedi nditọ Levi, Ahijah ekese aban̄a n̄kpọuto+ ufọk ata Abasi ye mme n̄kpọuto oro ẹkenamde edi edisana.+ 21 Nditọ Ladan,+ nditọ ubon Gershon emi ẹtode ufọk Ladan; mme etubom ke mme ufọk mme ete emi ẹtode ufọk Ladan owo Gershon, Jehieli.+ 22 Nditọ Jehieli, Zetham ye Joel+ eyenete esie, ẹkese ẹban̄a n̄kpọuto+ ufọk Jehovah. 23 Eke nditọ Amram, eke nditọ Izhar, eke nditọ Hebron, eke nditọ Uzziel,+ 24 ndien Shebuel+ eyen Gershom eyen Moses ekedi adausụn̄ ke ndise mban̄a mme ufọk ubonn̄kpọ. 25 Amaedi nditọete esie, eke Eliezer+ ekedi Rehabiah+ eyen esie ye Jeshaiah eyen esie ye Joram eyen esie ye Zichri eyen esie ye Shelomoth eyen esie. 26 Shelomoth ye nditọete esie ẹkedi mme andise mban̄a kpukpru n̄kpọuto oro ẹkenamde ẹdi ndisana,+ oro Edidem David+ ye mme etubom ke mme ufọk mme ete+ mmọ ye mme etubom mme tọsịn ye eke mme ikie, ye mme etubom udịmekọn̄ ẹkenamde ẹdi edisana. 27 Ndien mmọ ẹnam mme n̄kpọ oro ẹkedade ẹnyọn̄ ekọn̄+ ye mme n̄kpọ mbụme+ ẹdi ndisana man ẹda ẹkama ufọk Jehovah. 28 N̄ko ye kpukpru n̄kpọ oro Samuel okụt-n̄kukụt+ ye Saul eyen Kish ye Abner+ eyen Ner ye Joab+ eyen Zeruiah+ ẹkenamde ẹdi ndisana. N̄kpọ ekededi emi owo akanamde edi edisana okodu ke idak Shelomith ye nditọete esie.
29 Eke nditọ Izhar,+ Chenaniah ye nditọ esie ẹkese ẹban̄a mme mbubehe an̄wa+ nte ikpọ owo ye mme ebiereikpe+ ke Israel.
30 Eke nditọ Hebron,+ Hashabiah ye nditọete esie, iren emi ẹnyenede ukeme,+ owo tọsịn kiet ikie itiaba, ẹkese ẹban̄a ndutịm Israel ke n̄kan̄ edem usoputịn ikpehe Jordan ke kpukpru utom Jehovah ye ke utom edidem. 31 Eke nditọ Hebron, Jerijah+ ekedi etubom nditọ Hebron nte emana mme ete ete mmọ ẹdide. Ke ọyọhọ isua aba+ emi David akarade ke ẹkekụt mmọ, ndien ẹkụt n̄kpọsọn̄ iren uko ke otu mmọ ke Jazer+ ke Gilead.+ 32 Ndien nditọete esie, mme etubom ufọk mme ete mmọ,+ kpa mbon emi ẹnyenede ukeme,+ ẹkedi owo tọsịn iba ikie itiaba. Ntre Edidem David enịm mmọ ke etubom nditọ Reuben ye nditọ Gad ye ubak esien nditọ Manasseh,+ ete ẹse ẹban̄a kpukpru n̄kpọ emi ẹnyenede ata Abasi ye n̄kpọ+ edidem.