Ikwọ Solomon
6 “Ama fo aka m̀mọ̀n̄, O afo emi eyede akan ke otu iban?+ Ama fo ọwọn̄ọde odụk m̀mọ̀n̄, man nnyịn itiene fi iyom enye?”
2 “Ama mi osụhọde aka in̄wan̄+ esie, aka in̄wan̄ eto ufuọn̄,+ man ọkọbọk ufene+ ke in̄wan̄ onyụn̄ etet mme ekpon̄idịm. 3 Ami ndi eke ama mi, ama mi onyụn̄ edi okịm.+ Enye ke ọbọk ufene+ ke otu mme ekpon̄idịm.”
4 “O ufan mi an̄wan,+ afo emeye, ebiet Ediye Obio,+ eye nte Jerusalem,+ onyụn̄ enyene uten̄e nte mbonekọn̄+ emi ẹkanarede banner+ ẹkụk. 5 Wọn̄ọde enyịn+ fo fep kûse mi, koro mmọ ẹnamde mi ndịk. Idet fo ebiet udịm ebot emi ẹtode Gilead+ ẹsụhọde. 6 Edet fo ẹbiet otu uman erọn̄ eke ẹtode ebiet uyere mmọn̄ ẹdọk, emi kpukpru mmọ ẹmande nditọ iba iba, baba kiet ke otu mmọ mîduọkke nditọ esie.+ 7 Mban̄ fo ke ufụkiso fo ebiet ubak pomegranate.+ 8 Mbọn̄ iban ata ye ibanesa anan̄ ye anana-ibat n̄kaiferi ẹdu.+ 9 Odu kiet emi edide ibiom+ mi, emi mînyeneke ndo.+ Odu kiet emi edide eyen ima eka. Enye edi edisana ọnọ enye emi akamande enye. Nditọiban ẹkụt enye, ẹnyụn̄ ẹdọhọ ke enye okop inemesịt; mbọn̄ iban ye ibanesa ẹnyụn̄ ẹtoro enye,+ 10 ‘Anie edi n̄wan+ emi otụkde iso ese isọn̄ mi nte usiere,+ emi eyede nte ọyọhọ ọfiọn̄,+ asanade nte nsemnsem utịn,+ onyụn̄ enyenede uten̄e nte mbonekọn̄ emi ẹkanarede banner+ ẹkụk?’”
11 “Ami n̄kosụhọde n̄ka in̄wan̄+ isịp, ndise nsehe ikọn̄ ke itịghede mmọn̄,+ ndise m̀mê vine esehe, m̀mê mme eto pomegranate ẹsion̄o ikọn̄.+ 12 Mbemiso mfiọkde, udọn̄ esịt mi ama ada mi ekesịn ke chariot mbon unyịmesịt.”
13 “Fiak di, fiak di, O eyenan̄wan Shulam! Fiak di, fiak di, man nnyịn itịm ise fi!”+
“Nso ke mbufo ẹkụt ke idem eyenan̄wan Shulam emi?”+
“N̄kpọ eke etiede nte unek udịm iba!”