2 Corinth

2 Koro emi edi se mbierede nnọ idemmi, nte ke ndifiakke ndi ke ọtọ mbufo ke mfụhọ.+ 2 Koro edieke nnamde mbufo ẹkop mfụhọ,+ anie ndien odu do ndinam mi n̄kop idatesịt ke mîbọhọke enye emi ami nnamde okop mfụhọ? 3 Ntem n̄kewet n̄kpọ emi man ke ini ndide, mbon oro ẹkpenamde mi n̄kop idatesịt+ ẹdinam mi n̄kop mfụhọ;+ koro mmenyene mbuọtidem+ ke kpukpru mbufo nte ke idatesịt eke ami nnyenede edi eke kpukpru mbufo. 4 Koro n̄kodu ke ọkpọsọn̄ ukụt ye editịmede esịt n̄wet mbufo ye ediwak mmọn̄eyet,+ idịghe man mbufo ẹkop mfụhọ,+ edi man mbufo ẹkpefiọk ima oro ami nnyenede akpan akpan nnọ mbufo.

5 Edi edieke owo ekededi esịnde mfụhọ odu,+ idịghe ami ke enye anam mfụhọ, edi ke ndusụk udomo enye anam kpukpru mbufo ẹfụhọ—nyomke ndisọn̄ uyo n̄kaha ke se ntịn̄de. 6 Nsuannọ+ emi ediwak owo ẹnọde ekem ye utọ owo oro, 7 ntre, mbufo ẹkpenyene ndifen nnọ+ enye nnyụn̄ ndọn̄ enye esịt, man ke usụn̄ ekededi ekikak mfụhọ edimen utọ owo oro emen.+ 8 Ke ntre nteme mbufo nte ẹwụt enye ke mbufo ẹmenen̄ede ẹma+ enye. 9 Koro n̄wet n̄ko ndidụn̄ọde mfiọk m̀mê mbufo ẹmesụk ibuot ke kpukpru n̄kpọ.+ 10 N̄kpọ ekededi eke mbufo ẹfende ẹnọ owo, ami n̄ko mmefen.+ Ke akpanikọ, se ededi oro mfende, edieke edide mmefen n̄kpọ ekededi, edi ke ntak mbufo ke iso Christ; 11 mbak Satan edikan nnyịn,+ koro nnyịn mînanake ifiọk iban̄a mme n̄kukan esie.+

12 Edi ke ini nsịmde Troas+ nditan̄a eti mbụk emi aban̄ade Christ, usụn̄ onyụn̄ ebererede ọnọ mi ndinam utom Ọbọn̄,+ 13 n̄kenyeneke nduọkodudu ke spirit mi ke ntak emi mmen̄kwe Titus+ eyenete mi, edi mma n̄kọm mmọ unyọn̄ nnyụn̄ ndaha n̄ka Macedonia.+

14 Edi ekọm enyene Abasi emi adade nnyịn usụn̄+ kpukpru ini ke isan̄ edikan oro isan̄ade+ ye Christ onyụn̄ adade nnyịn anam ẹkop ufịk ifiọk esie ke kpukpru ebiet!+ 15 Koro nnyịn idi edinem ufịk+ emi Christ osion̄ode inọ Abasi ke otu mbon oro ẹnyan̄ade ye ke otu mbon oro ẹtakde;+ 16 itie nte ufịk eke ọkọrọde n̄kpa ke n̄kpa+ inọ mmọ eke ẹtakde, inyụn̄ itie nte ufịk eke ọkọrọde uwem ke uwem inọ mmọ eke ẹnyan̄ade. Ndien anie etịm odot ndinam mme n̄kpọ emi?+ 17 Nnyịn imodot; koro nnyịn idịghe mbon oro ẹnyamde-nyam ikọ Abasi+ nte ediwak owo ẹdide,+ edi nnyịn itịn̄ ikọ nte mme anditiene Christ ke esịt akpanikọ ke iso Abasi, kpa nte Abasi ọkọdọn̄de nnyịn.+

2 Corinth 2:1

Mme Itien̄wed Ufot Page

2 Corinth 2:2

Mme Itien̄wed Ufot Page

2 Corinth 2:3

Mme Itien̄wed Ufot Page

2 Corinth 2:4

Mme Itien̄wed Ufot Page

Index

2 Corinth 2:5

Mme Itien̄wed Ufot Page

2 Corinth 2:6

Mme Itien̄wed Ufot Page

2 Corinth 2:7

Mme Itien̄wed Ufot Page

Index

2 Corinth 2:8

Mme Itien̄wed Ufot Page

Index

2 Corinth 2:9

Mme Itien̄wed Ufot Page

2 Corinth 2:10

Mme Itien̄wed Ufot Page

Index

2 Corinth 2:11

Mme Itien̄wed Ufot Page

Index

2 Corinth 2:12

Mme Itien̄wed Ufot Page

Index

2 Corinth 2:13

Mme Itien̄wed Ufot Page

Index

2 Corinth 2:14

Mme Itien̄wed Ufot Page

Index

2 Corinth 2:15

Mme Itien̄wed Ufot Page

Index

2 Corinth 2:16

Mme Itien̄wed Ufot Page

Index

2 Corinth 2:17

Mme Itien̄wed Ufot Page

Index

General