Mme Psalm
Ẹnọ adausụn̄. “Kûsobo.” Eke David. Miktam. Ke ini Saul ọkọdọn̄de ẹkekpeme ufọk, man ẹwot enye.+
59 Nyan̄a mi sio ke ubọk mme asua mi, O Abasi mi;+
Kpeme mi sio ke ubọk mmọ eke ẹdahade ẹda ẹn̄wana ye ami.+
2 Nyan̄a mi sio ke ubọk mbon ibak,+
Nyụn̄ nyan̄a mi sio ke ubọk mmọ eke ẹduọkde iyịp.
3 Koro, sese! mmọ ẹmedịbe ẹbet ukpọn̄ mi;+
N̄kpọsọn̄ owo ẹn̄wana ye ami,+
Idịghe koro nsọn̄de ibuot, m̀mê koro nnamde idiọkn̄kpọ, O Jehovah.+
5 O Jehovah Abasi mme udịm, afo edi Abasi Israel.+
Demede nyụn̄ tịn̄ enyịn ke kpukpru mme idụt.+
Kûtua mbon mbia emi ẹbakde ibak mbọm.+ Selah.
11 Kûwot mmọ, mbak ikọt mi ẹdifre.+
Da odudu fo nam mmọ ẹsan̄a ẹyo,+
Nyụn̄ sụhọde mmọ nịm, O Jehovah otuekọn̄ nnyịn,+
Ọkọrọ ye isụn̄i ye abian̄a oro mmọ ẹtịn̄de ndien ndien.
13 Da mmọ sịm utịt ke iyatesịt;+
Da mmọ sịm utịt, man mmọ ẹkûdu aba;
Man mmọ ẹkpefiọk ẹte ke Abasi akara ke ufọt Jacob tutu esịm utịt isọn̄.+ Selah.
14 Ndien yak mmọ ẹfiak edem ke mbubreyo;
Yak mmọ ẹkpọi nte ebua ẹnyụn̄ ẹsan̄a ẹkanade obio.+