MBỤME 2
Akpasan̄a didie ọfiọk Abasi?
“Kûyak n̄wed ibet emi ọwọrọ ọkpọn̄ inua fo, edi kot enye ke nsụhọde-uyo uwemeyo ye okoneyo, man afo ekpeme ndinam kpukpru se ẹwetde ke esịt; do ke afo edikụt unen ke usụn̄ fo onyụn̄ ada eti ibuot anam n̄kpọ.”
“Mmọ ẹka iso ndikot n̄wed oro uyo ọwọrọ, ẹkot ibet ata Abasi, ẹtat enye ẹnyụn̄ ẹtịn̄ se enye ọwọrọde; mmọ ẹnyụn̄ ẹka iso ndinam se ẹkotde an̄wan̄a.”
“Owo emi okopde inemesịt edi owo eke mîsan̄ake ke item mme idiọkowo, . . . edi ibet Jehovah adat enye esịt, enye onyụn̄ okot ibet esie ke nsụhọde-uyo uwemeyo ye okoneyo. . . . Enye oyonyụn̄ okụt unen ke kpukpru se enye anamde.”
“Philip efehe ekesịm onyụn̄ okop nte enye okotde n̄wed prọfet Isaiah uyo ọwọrọ, ndien enye obụp ete: ‘Nte afo emetịm ọfiọk se afo okotde?’ Enye ọbọrọ ete: ‘N̄keme didie ndifiọk ke owo mîtemeke mi?’”
“Tọn̄ọ nte ẹkebot ererimbot, ẹtịm ẹkụt mme edu esie oro enyịn mîkwe, oro edi, nsinsi odudu esie ye idaha esie nte Abasi, koro ẹkụt mmọ ebe ke mme n̄kpọ oro enye anamde, mbak mmọ ẹdinyene n̄kpọ nditịn̄ nnyan̄a idem.”
“Tie kere mme n̄kpọ emi; sịn idem ke mmọ ofụri ofụri, man kpukpru owo ẹkpekụt n̄kọri fo.”
“Ẹyak nnyịn . . . ikere nte ikpedemerede kiet eken inọ ima ye nti utom, ikûsịn ndisop idem ọtọkiet.”
“Edieke owo mbufo ekededi ananade ọniọn̄, yak enye aka iso eben̄e Abasi, koro enye ọnọde kpukpru owo ke ntatubọk inyụn̄ isueneke owo; ndien enye ọyọnọ enye.”