MBỤME 6
Nso ke Bible eketịn̄ aban̄a Messiah?
MME PRỌFESI
“Afo, O Bethlehem Ephrathah, . . . owo oyoto fi ke esịt ọwọrọ ọnọ mi, emi edidide andikara ke Israel.”
NTE ẸKESUDE
“Ke Jesus ama akamana ke Bethlehem Judea ke eyo Edidem Herod, sese! mme asiak ntantaọfiọn̄ ẹto mme ikpehe edem usiahautịn ẹdi Jerusalem.”
MME PRỌFESI
“Mmọ ẹdeme ọfọn̄idem mi ẹda ke otu idemmọ, ẹnyụn̄ ẹsịn afia ẹban̄a edisịnen̄kpọ mi.”
NTE ẸKESUDE
“Ndien ke ini mbonekọn̄ ẹma ẹkekọn̄ Jesus ke eto, mmọ ẹmen ewụra esie ẹsiak ke mbak inan̄ . . . Edi ọfọn̄ idakidem ikenyeneke ituak, ẹkedọdọk enye ofụri ofụri ọtọn̄ọde ke enyọn̄. Ntre mmọ ẹdọhọ kiet eken ẹte: ‘Ẹyak nnyịn ikûsasiak enye emi, edi ẹyak isịn afia ida ibiere m̀mê anie edinyene.’”
MME PRỌFESI
“Enye ekpeme kpukpru mme ọkpọ esie; baba kiet ke otu mmọ ibụn̄ọke.”
NTE ẸKESUDE
“Ke ini ẹdide ẹdisịm Jesus, mmọ ibụn̄ke enye ukot sia ẹkụtde ẹte enye ama akpakpa.”
MME PRỌFESI
“Ẹkekịm enye ke ntak ubiatibet nnyịn.”
NTE ẸKESUDE
“Owo kiet ke otu mbonekọn̄ ada eduat ekịm enye n̄kan̄, ndien kpa idaha oro iyịp ye mmọn̄ ẹwọn̄ọ.”
MME PRỌFESI
“Mmọ ẹnọ mi utịp mi, mbak silver edịp ye duop.”
NTE ẸKESUDE
“Ekem owo kiet ke otu mbet duopeba, enye emi ẹkotde Judas Iscariot, adaha ebịne mbọn̄ oku onyụn̄ okobụp ete: ‘Nso ke mbufo ẹdinọ mi man nda enye nnọ mbufo?’ Mmọ ẹnyịme ndinọ enye mbak silver edịp ye duop.”