Ediye In̄wan̄

SESE isọn̄ emi! Kpukpru n̄kpo ẹye didie! Sese mbiet ye mme eto, mme frawa ye kpukpru unam. Nte emekeme ndiwụt enịn ye lion?

Didie ke utọ ediye in̄wan̄ emi ekedidu? Ọfọn, yak ise nte Abasi okotịmde isọn̄ ọnọ nnyịn.

Akpa, Abasi akanam awawa mbiet ofụk isọn̄. Ndien enye ama anam ediwak orụk n̄kpri eto ye ikọt ye ikpọ eto. Mme n̄kpọ ẹkọride ntem ẹnam isọn̄ eye. Edi mmọ ẹnam se ikande oro. Ediwak mmọ n̄ko ẹnọ nnyịn udia otịm enemde.

Abasi ndien ama anam iyak ẹsan̄a ke mmọn̄ ye mme inuen ẹfe ke enyọn̄. Enye ama anam mme ebua, mme an̄wa ye mme ass; ikpọ ye n̄kpri unam. Nso unam ẹdụn̄ ẹkpere ufọk mbufo? Nte nnyịn ikpadarake nte Abasi ama anam kpukpru n̄kpọ emi ọnọ nnyịn?

Ke akpatre, Abasi ama anam ubak isọn̄ kiet edi ata akpan itie. Enye okokot itie emi in̄wan̄ Eden. Enye ama ọfọn ama. Kpukpru n̄kpọ ke enye ẹkedi uyai uyai. Ndien Abasi okoyom ofụri isọn̄ akabade etie nte ediye in̄wan̄ emi enye akanamde.

Edi fiak se ndise in̄wan̄ emi. Nte afo ọmọfiọk se Abasi okokụtde nte ananade? Yak nnyịn ise.