Nso ke N̄kpa Jesus Anam Ọnọ Fi?

Jesus akakpa man nnyịn ikpodu uwem. John 3:16

Usen ita ke Jesus ama akakpa, ndusụk iban ẹma ẹka udi esie ẹnyụn̄ ẹkekụt ke udi ana ukpọk. Jehovah ama anam Jesus eset.

Ekem Jesus owụt mme apostle esie idem.

Ih, Jehovah ama anam Jesus eset akabade okopodudu owo eke spirit emi mîkemeke ndikpa. Mme mbet Jesus ẹma ẹkụt nte enye ọdọkde heaven.

Abasi ama anam Jesus eset onyụn̄ anam enye Edidem Obio Ubọn̄ Abasi. Daniel 7:13, 14

Jesus ọkọnọ uwem esie man ekpe ufak ubonowo. (Matthew 20:28) Abasi ada ufak oro anam ikeme ndidu uwem ke nsinsi.

Jehovah ama emek Jesus ete edi Edidem emi edikarade isọn̄. Enye edikara ye mme anam-akpanikọ owo 144,000 emi ẹnamde ẹset ke isọn̄ ẹkedu uwem ke heaven. Jesus ye owo 144,000 emi ẹnam edinen ukara eke heaven—kpa Obio Ubọn̄ Abasi.—Ediyarade 14:1-3.

Obio Ubọn̄ Abasi ayanam isọn̄ edi Paradise. Ekọn̄, ubiatibet, ubuene, ye biọn̄ ididụhe aba. Mme owo ẹyenen̄ede ẹkop inemesịt.—Psalm 145:16.