“Usọbọ ke Kpukpru Mfịna Nnyịn”

Oro edi se akparawa kiet otode Puerto Rico ọdọhọ ke ẹkụt ke n̄wed oro Uyen Fo​—Ndibö se Itimde Ifön Ikan nto Enye. Enye ewet ete:

“Ibịghike nte n̄kewet mbufo kaban̄a mfịna kiet oro ami n̄kenyenede, ufiọn̄ọ ndido idan̄ n̄kop uyụhọ, nnyụn̄ mben̄e nte yak mbufo ẹnam mi nnyene ndusụk item ke ndiwet ndusụk ntọt ke magazine mbufo. Ke mfọniso, ufan mi kiet, owo Ntiense Jehovah, ama ọnọ mi n̄wed oro Uyen Fo​—Ndibö se Itimde Ifön Ikan nto Enye ete n̄kot. Emi ekedi ke n̄kpọ nte ọfiọn̄ kiet ekebede. Ami n̄kpama ndinam mbufo ẹdiọn̄ọ nte ke tọn̄ọ nte n̄kokot ọyọhọ ibuot 5 n̄wed emi, ami mfiakke nnam ido emi aba. Ami mmedifiọk nte ke ufiọn̄ọ ndido idan̄ n̄kop uyụhọ inen̄ekede idi se owo oyomde. . . .

“Ami n̄kpama edieke kpukpru n̄kparawa owo ẹkpekotde n̄wed emi inamke n̄kpọ m̀mê ewe ido ukpono ke mmọ ebuana. Kpukpru n̄kparawa owo enyene ukem mfịna emi, ndien n̄wed emi etie nte n̄kpọuto, koro enye enyenede usọbọ ke kpukpru mfịna nnyịn. . . . Mbufo ẹkpenyene ndikaiso mmịn̄ mme n̄wed nnọ mme uyen koro ke ererimbot emi ọyọhọde ye n̄kpọsọn̄ ibọk ye oburobụt ido, n̄wed emi etie nte akrasi ata mbịtmbịt mmọn̄ oro edemerede ukpọn̄.”

Ke adianade ye edineme mban̄a ufiọn̄ọ ndido idan̄ n̄kop uyụhọ ye idan̄ ukem uduot, n̄wed emi etịn̄ otụk uda n̄kpọsọn̄ ibọk ye n̄kpọsọn̄ mmịn, mme mbre mbuba, ikwọukwak, unek, uwọrọan̄wa, uyomima, ye ediwak n̄kpọ eken oro ẹfịnade mme uyen. Bọ okwommọ ke ndiwet n̄kpọ nyọhọ ufan̄ odude mi ke idakisọn̄ nnyụn̄ nnọ edi ye etịbe ₦5.

Mbọk ẹnọ enyene page-192, ọsọn̄ ikpaedem n̄wed oro Uyen Fo​—Ndibö se Itimde Ifön Ikan nto Enye ẹsọk mi, ke ukpeokụk post. Mmesịn ₦5 nnọ ẹdi.