Ediwak Miliọn Owo Ẹmọn̄ Ẹka Nte Afo Ayaka?
Ndika m̀mọ̀n̄? Ndika editi n̄kpa Jesus Christ eke isua ke isua. Ke 1996 ofụri ibat owo 12,921,933 ẹkedụk ke ofụri ererimbot.
Ntak emi mme owo ẹkade? Ke ntak se n̄kpa Jesus ọwọrọde ọnọ ubonowo. enye ọwọrọ ndibọhọ udọn̄ọ, ndutụhọ, ye n̄kpa. Ẹyekam ẹnam mbonima ẹmi ẹkekpan̄ade ẹset ẹdidu uwem ke isọn̄ oro ẹnamde afiak edi paradise.
Didie ke n̄kpa Jesus Christ ekeme ndida mme utọ edidiọn̄ ẹmi ndi? Ẹkot fi ete edidụn̄ọde ọfiọk. Mme Ntiense Jehovah ẹdara afo ndidiana ye mmọ ke akpan edinam emi.
Dụk ke Ufọkmbono Obio Ubọn̄ oro ekperede ufọk fo akan. Isua emi usenọfiọn̄ edi Sunday, March 23, ke utịn ama okosop. Bụp Mme Ntiense Jehovah ke n̄kann̄kụk ban̄a nnennen ini.