“Edika Oro N̄kakade Ufọkmbono Obio Ubọn̄”

Ẹkenọ Laura,a eyen akamba ufọkn̄wed, utom ẹte aka edinam ido ukpono kiet ndien ewet ntọt aban̄a se enye okokụtde. Enye ama emek Mme Ntiense Jehovah, onyụn̄ ọnọ uwetn̄kpọ esie ibuotikọ edide “Edika Oro N̄kakade Ufọkmbono Obio Ubọn̄.” Nso ke Laura okokụt nte edide isio aban̄a Mme Ntiense? Se itienede mi ẹdi ndusụk ke otu ediwak n̄kpọ ẹmi enye akasiakde.

Nditọwọn̄: “Kpukpru nditọwọn̄ ẹkedu ke ukem ubet nte ikpọ owo. Ke kpukpru ufọkabasi oro nsikade, nditọwọn̄ ẹsikpọn̄ mme ete ye eka mmọ ẹnyụn̄ ẹkedụk ederi nditọwọn̄.”

Edidianakiet eke orụk: “Nte ido edide, mme ufọkabasi ẹsidụri mme andibuana ẹtode akpan orụk m̀mê ekpụk kiet. . . . Edi, kpukpru Mme Ntiense Jehovah ẹkebono ọtọkiet ibahakede ibono ke otu ke otu.”

Edu udara owo: “Ediwak owo ẹma ẹditịn̄ ikọ ye ami. . . . Ndusụk owo ẹma ẹkam ẹbụp m̀mê owo ekededi ke ekekpep Bible ye ami. Kpa ye oro, iketiehe mi ke idem nte ke mmọ ẹkefafịna mi. Mmọ . . . ẹma ẹyak ubiere oro ẹnọ mi ndinam.”

Utan̄ etịbe idụhe: “N̄kpọ kiet oro ekenen̄erede akpa mi idem ekedi akpanikọ oro nte ke owo ndomokiet ikọbọhọ etịbe. . . . Mme ufọkabasi oro n̄kade ẹkam ẹbọbọ mme enọ ke otu ukpepn̄kpọ nditọwọn̄.”

Esop Mme Ntiense Jehovah ekperede ndisịm 90,000 ẹdu ke ofụri ererimbot. Ntak mûkaha enye emi ekperede fi akan?

[Ikọ idakisọn̄]