Ekpri Eyenan̄wan Emi Atatde Ubọk

KE NDONDO emi, ekpri eyenan̄wan isua usụkkiet ke Brazil ama afam okụk esie enịm tutu awak esịm ₦6,235.00. Enye ama osio ₦2,610.00 ekesịn ke ekebe etịbe ke Ufọkmbono Obio Ubọn̄ mmọ man ẹda ẹnam n̄kpọ ke esop. Onyụn̄ emen ₦3,625.00 emi osụhọde ewet leta adian ọnọ ẹsọk n̄kọk itieutom Mme Ntiense Jehovah ke obio mmọ. Enye ekewet ke leta esie ete: “Mbọk ẹda okụk emi ẹnam utom Abasi ke ofụri ererimbot. Nyom ndin̄wam nditọete ke ofụri ererimbot ẹkwọrọ eti mbụk. Nnọ okụk emi ke ofụri esịt sia mmade Jehovah.”

Ete ye eka esie ẹma ẹkpep enye ufọn editiene nnam se ededi oro enye ekemede ke utom ukwọrọikọ. Mmọ ẹma ẹkpep enye n̄ko ‘ndida inyene esie n̄kpono Jehovah.’ (N̄ke 3:9) Ediwak nnyịn n̄ko ke isịn ifịk inam utom Abasi ke n̄kann̄kụk nnyịn ye ke ofụri ererimbot nte ekpri eyenan̄wan emi.