Mme Ntọt
◼ Mme n̄wed ẹnọde ke January: Ekeme ndinọ n̄wed ekededi oro enyenede page 192 oro ẹkemịn̄de ke babru oro akabarede etie utouto, m̀mê oro okpụhọrede uduot m̀mê ekededi oro ikemịn̄de mbemiso 1982 ke usụhọde ekọmurua edide ₦25. N̄ko, ẹyenam san̄asan̄a ubịnikọt ye n̄wed iba ẹmi Survival Into a New Earth ye The Bible—God’s Word or Man’s? ke usụhọde ekọmurua edide ₦15 kpọt ke idem kiet. Ẹma ẹnọnọ leta ẹsọk kpukpru otu mbiowo kaban̄a emi. February: Afo Emekeme Ndidu Uwem ke Nsinsi ke Paradise ke Isọn̄. Ẹkpenyene ndinam mfiakn̄ka ke ẹma ẹkenịm n̄wed emi, ndien ẹkpenyene ndisịn ukeme nditọn̄ọ mme ukpepn̄kpọ Bible. March: Nnyịn idifiak inọ n̄wed Survival ye God’s Word ke usụhọde ekọmurua, ukem nte ke January. April ye May: Kpukpru usem—Etịbe Enyọn̄-Ukpeme.
◼ Mme esop ẹkpenyene ndinam ndutịm oro ẹdotde ndinịm Editi isua emi ke Friday, April 14, ke utịn ama okosụhọde. Ke adan̄aemi esop kiet kiet akpamade ndinịm usọrọ Editi esie, emi ekeme ndidi ididịghe mmemmem n̄kpọ kpukpru ini. Ke ebiet emi ediwak esop ẹsidade Ufọkmbono Obio Ubọn̄ kiet ẹnam n̄kpọ, ndusụk esop kiet m̀mê awakde akan oro ẹkeme ndibọ itie efen ndida nnam n̄kpọ ke mbubịteyo oro. Editi ikpọtọn̄ọke ke ata idiọk ini tutu eyedi se mîfereke inọ mbufa owo oro ẹnyenede udọn̄ ndidụk. N̄ko-n̄ko, ndutịm ikpekpereke ikaha tutu ini idụhe ndikọm isenowo mbemiso m̀mê ke ẹma ẹkekụre edinam, ndinam mme ndutịm kaban̄a n̄kaiso un̄wam eke spirit nnọ ndusụk owo, m̀mê ndidara nsịnudọn̄ ofụri owo. Ke ẹma ẹkekere ẹban̄a kpukpru n̄kpọ oro ẹbuanade ọyọhọ ọyọhọ, mbiowo ẹkpenyene ndibiere m̀mê mme ndutịm ewe ẹdin̄wam mbon oro ẹdụkde Editi ndibọ ufọn ọyọhọ ọyọhọ nto edinam oro.
◼ Ke Sunday, April 23, 1995, ẹyenọ akpan utịn̄ikọ an̄wa ke kpukpru esop. Ibuotikọ edidi “Utịt Nsunsu Ido Ukpono Emekpere.” Kụt ete imọnọ kpukpru mbon oro ẹkedụkde Editi isua emi ikot. Ẹyesịn san̄asan̄a ukeme ndin̄wam ediwak miliọn mbon oro inịmde ukpepn̄kpọ Bible ye mmọ. Ntọt oro ẹdinọde ke ẹkụrede mbonoesop usen oro eyedemede mmọ ye nditọete nnyịn ukem ukem ndidori enyịn nditiene mbuana ke ndisuan san̄asan̄a tract. Ke ukem ini oro, enye eyewụt mme mfịna oro mme owo ẹsobode ye ufọn edinam n̄kpọ ke usụn̄ oro enyenede iwụk ke n̄kemuyo ye Ikọ Abasi.
◼ Ọtọn̄ọde ke February, ndien ibịghike ikan March 5, obufa utịn̄ikọ an̄wa mme esenyịn circuit edidi “Buọt Idem ke Abasi Kpukpru Ndọn̄esịt.”
◼ Ke Esoputom eke urua January 23, kpukpru asuanetop ẹmi ẹnade baptism oro ẹdụkde ẹyebọ ọkpọkpọ kad Advance Medical Directive/Release ye Identity Card nditọ mmọ.
◼ Ekpenyene ndinọ kpukpru etịbe, esịnede ọkpọkpọ etịbe eke mme asuanetop, ẹdi EBE KE ESOP N̄KANN̄KỤK inyụn̄ idịghe ndinọ ẹsọk N̄ka nnennen. Ẹdibat mme etịbe Enyọn̄-Ukpeme ye Awake! ẹdian ye ibatokụk magazine mbufo ke ẹma ẹkenọ mmọ ẹsọk N̄ka. Ke ntre, KE URUA KIET KIET EKPENYENE NDIDIAN kpukpru etịbe oro ẹbọde, ọkpọkọm edi kiet kpọt, KE BABRU WEEKLY SUBSCRIPTION (M-203) ORO ẸTỊMDE ẹnyụn̄ ẹnọ ewetn̄wed, emi editịmde odụn̄ọde, okot ese, onyụn̄ ọnọ ẹsọk N̄ka YE UNANA EDISỊN OKỤK. Mbufo ẹkpenyene ndidian kpukpru okụk ẹbọde kaban̄a etịbe ke ọfiọn̄ oro ke okụk magazine mbufo oro ẹnọde ẹdi ke ọfiọn̄ ke ọfiọn̄.