Edifiak-Nse eke Ufọkn̄wed Utom Ukara Abasi

Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua March 27 osịm July 10, 1995. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịmfiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Akpanikọ oro nte ke Jehovah ama osobo mme idiọk asak nsahi ke eyo Noah ọnọ nnyịn nsọn̄ọ nte ke enye eyefiak anam ntre. [bw-EF p. 171]

2. Akpan edumbet eke Mme N̄ke 11:1 edi nte ke ana nnyịn inyene eti ido inyụn̄ inam akpanikọ ke ofụri mbubehe nnyịn edieke nnyịn iyomde ndinyene mfọn Jehovah. [Edikot Bible eke urua ke urua; se w87-EF 11/1 p. 30.]

3. Sia edide Solomon ekewet n̄wed Mme N̄ke, owo inyeneke ndida enye nte se ẹdade odudu spirit ẹwet, edi ẹkpeda enye n̄kukụre nte eti item. [Edikot Bible eke urua ke urua]

4. Mme N̄ke 14:17 ebemiso ọnọ ntịn̄enyịn ke mme ntụk koro mmọ ẹsiwakde ndibem mme edinam iso. [Edikot Bible eke urua ke urua; se w93-EF 8/15 p. 20-21.]

5. Mme N̄ke 11:25 edi uwụtn̄kpọ ukem ekikere ẹmi ẹdude ke uto mme Hebrew. [Edikot Bible eke urua ke urua]

6. Ke 33 E.N., ke ẹma ẹkenam enye eset onyụn̄ ada itie esie ke ubọk nnasia Abasi, Jesus ama ọtọn̄ọ ndikara mme mbet esie oro ẹkeyetde aran ini oro. (Col. 1:13) [gt-EF ibuot 132]

7. Ke n̄kpọ nte isua 3,000 mbemiso ntaifiọk ẹkedide ẹdidiọn̄ọ ẹban̄a udịm ubon, Psalm 139:13-16 ama enyene ifiọk aban̄a emi. [Edikot Bible eke urua ke urua; se w92-EF 5/15 p. 4.]

8. Mme N̄ke 8:22-31 etịn̄ se ọniọn edide kpọt. [Edikot Bible eke urua ke urua; se w87-EF 5/15 p. 27.]

9. Ata Christian ikpenyeneke ndisua n̄kpọ ndomokiet. [Edikot Bible eke urua ke urua; se w92-EF 1/1 p. 21.]

10. Mme N̄ke 11:25 owụt nte ke mfọnido ye ntatubọk ẹyeda ediwak edidiọn̄ ẹsọk mbon oro ẹnamde mmọ. [Edikot Bible eke urua ke urua]

Bọrọ mme mbụme ẹtienede mi:

11. Nso idi ibuotikọ ofụri n̄wed Psalm, nte ẹwụtde ke Psalm 146-150? [Edikot Bible eke urua ke urua]

12. Ntak emi nnyịn mîkpọbuọtke idem ke mme andikara ẹdide owo? (Ps. 146:3, 4) [Edikot Bible eke urua ke urua]

13. Nnyịn ikpenyene ndidu uwem ye idotenyịn kaban̄a edisu mme un̄wọn̄ọ ewe, ndien didie ke ẹmi ẹditụk isọn̄? [bw-EF p. 177]

14. Mary Magdalene ekekere ke Jesus oro ẹkenamde eset ke n̄kpa ekedi anie ke ini enye eketịn̄de ikọ ọnọ enye ke in̄wan̄, ndien nso ikan̄wam enye ndidiọn̄ọ enye ọfọn? [gt-EF ibuot 128]

15. Ewe owo iba ẹmi ẹkedide mme andibuana ke Sanhedrin oro ẹkekopde ndịk ndiwụt idem nte mme anditiene Jesus ẹken̄wam nditịm okpo esie nnọ edibụk? [gt-EF ibuot 127]

16. Didie ke okpotụk uwem nnyịn edieke utịn ekpenen̄erede ekpere m̀mê ekpenen̄erede oyom usụn̄ ọkpọn̄ isọn̄? [yy-EF p. 10]

17. Ewe n̄kpọntịbe ke mbụk ke Psalm 136:10-15 obụk, ndien nso ikotịbe inọ Pharaoh? [Edikot Bible eke urua ke urua; se w93-EF 6/15 p. 5.]

18. Nso orụk owo ke nnyịn ikpenyene nte mme ufan nnyịn? [yy-EF p. 59]

19. Ntak emi mme anam-akpanikọ apostle, James eyeneka Jesus, ye se ibede mbet 500 ẹkenịmde ke akpanikọ ete ke Jesus ama eset? [gt-EF ibuot 131]

20. Nso ikanam Jesus Christ edi akakan owo oro akanam odude uwem? [gt-EF ntọn̄ọikọ]

21. Mme apostle Christ ẹma ẹdedi mme ntiense Jehovah, edi ke Jesus ama ekeset ke n̄kpa mmọ ẹma ẹnyene ifetutom efen efen. Nso ikedi oro? [gt-EF ibuot 131]

22. Nso idi “uten̄e Jehovah” emi ẹtịn̄de ẹban̄a ke Mme N̄ke 1:7? [w87-EF 5/15 p. 27]

23. Nso idi ndusụk usụn̄ emi owo ekemede ndiwụt ọniọn̄? (N̄ke 5:1) [w87-EF 5/15 p. 27]

24. Nso ke Mme N̄ke 19:17 ndidọhọ ke atua ubuene mbọm ọbuọt Jehovah n̄kpọ ọwọrọ? [w87-EF 5/15 p. 28]

25. Ke inọde utịn̄ikọ Bible, nso edumbet ke ẹkpenyene nditịn̄ enyịn n̄kpeme kaban̄a mme ikọ oro imekde ndida? [sg-EF p. 5]

26. Ye kpukpru asan̄autom Abasi, nso idi akpan n̄wed ukpepn̄kpọ nnyịn ndien ke mme usem ewe ke ẹkebem iso ẹwet enye? [sg-EF p. 12, 13]

27. Didie ke edinam mfọnido oro ẹwụtde mbon ererimbot ekeme ndinyene nti utịp? (N̄ke 3:27, 28) [Edikot Bible eke urua ke urua; se w93-EF 12/15 p. 20.]

28. Nso eti utịp ke ediwụt ata ukpono ye nsụhọdeidem ke ini isobode n̄kpọsọn̄ idaha ekeme ndida nsọk Jehovah? (John 19:4-6) [gt-EF ibuot 123]

Mek nnennen ibọrọ ke mme utịn̄ikọ kiet kiet oro ẹtienede mi:

29. Ke ini ẹkekọn̄de enye ke eto, ẹma ẹnọ Jesus wine emi ẹsịnde myrrh, edi enye ama esịn ndin̄wọn̄ koro (Ibet akakpande; enye ekedi Nazirite; enye okoyom ndikaiso ndiọn̄ọ idem mfọn mfọn). [gt-EF ibuot 125]

30. Utịm ikotion ke nsụhọde n̄kaha (Herod; Pilate; Felix), emi ke akpatre akanamde n̄kpọ etiene uyịre uyịre edinyịk oro mme Jew ẹkenyịkde onyụn̄ ayakde Jesus ọnọ man ẹkewot, ama ọdọhọ ke Jesus ikeduehe. [gt-EF ibuot 124]

Wet mme itien̄wed Abasi etienede mi ẹkekem ye mme utịn̄ikọ ẹwetde mi ke idak:

N̄ke 3:27, 28; John 19:4-6; 19:25-27; Rome 15:2, 3; Edi. 7:16, 17

31. Mme Christian ẹnyene mbiomo edise mban̄a mme ete ye eka mmọ ẹmi ẹsọn̄de. [gt-EF ibuot 126]

32. Nnyịn imenen̄ede ikere iban̄a nte ukamaidem nnyịn ekemede nditụk mmọ efen, ntre nnyịn ke unyịmesịt imesitre ndinem idem nnyịn esịt. [yy-EF ibuot 7]

33. Ini ekededi oro nnyịn inyenede ifet ndinam eti n̄kpọ nnọ mmọ efen, edide ke n̄kan̄ eke spirit m̀mê ke n̄kan̄ eke obụkidem, nnyịn ikpenyene ndida ifet oro n̄n̄wam ekemmọ owo, akpan akpan nditọete nnyịn eke spirit. [Edikot Bible eke urua ke urua; se w93-EF 12/15 p. 20.]

34. Ime ye mfara ke idem Jesus ama, akam otụk Pilate ndien nnyịn ikpenyene nditiene uwụtn̄kpọ emi ke ini isobode idomo. [gt-EF ibuot 123]

35. Nnyịn imọtọtọn̄ọ ndidara mme idaha ẹmi ẹken̄wọn̄ọde oro nte odotde ẹkotde “paradise eke spirit.” [uw-EF p. 107-109 ikp. eki. 9-11]