Edifiak-nse Eke Ufọkn̄wed Utom Ukara Abasi

Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua July 24 osịm November 13, 1995. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịmfiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Ufọn idụhe ndisịn ifịk n̄kpep n̄kpọ ke ufọkn̄wed, sia owo mîdidaha ata ediwak n̄kpọ oro ẹkpepde inam n̄kpọ tutu amama. [yy-EF p. 81]

2. Ẹkeme ndise edida n̄kpọsọn̄ mmịn ye n̄kpọsọn̄ ibọk nte unọ idem inemesịt oro mînọhọ unan. [yy-EF p. 97]

3. Edin̄wọn̄ sika inọhọ unan ke baba usụn̄ kiet onyụn̄ ekeme ndinọ ekese inemesịt. [yy-EF p. 112]

4. Ke ini akade Ufọkmbono Obio Ubọn̄, afo ekpenyene ndinen̄ede nnọ n̄kpan̄utọn̄ ke kpukpru item oro ẹnọde ke mbot utịn̄ikọ. [sg-EF p. 23]

5. Edieke ẹkemede, kpukpru ufọk ẹkpenyene ndisinịm ukpepn̄kpọ ubon kpukpru ini. [sg-EF p. 35]

6. Ebede ke ndisịn ifịk n̄kpep n̄kpọ ke ufọkn̄wed, afo eyenịm eti uwụtn̄kpọ nte Christian. [yy-EF p. 82]

7. Edikot n̄wed an̄wan̄wa edi ata akpan n̄kpọ, ndien ndikeme ndikot n̄wed ọfọn edi akpan n̄kpọ ọnọ kpukpru asan̄autom. [sg-EF p. 28]

8. Kpukpru nsiondi Enyọn̄-Ukpeme ẹnen̄ede ẹnyene ufọn ndien ẹkpenyene nditịn̄ enyịn n̄kpep enye usọp usọp nte ẹkekeme ke ẹma ẹkebọ. [sg-EF p. 35]

9. Mme ikọ Solomon ke Ecclesiastes 3:1, 2 n̄kukụre ẹban̄a n̄kaiso edisan̄a n̄kanade eke uwem ye n̄kpa inyụn̄ iban̄ake edibemiso mbiere n̄kpọ nnịm nnọ owo kiet kiet. [Edikot Bible eke urua ke urua; se w91-EF 10/15 p. 5.]

10. Mme ete ye eka oro ẹyakde nditọ mmọ ẹse se ededi oro ẹwụtde ke television, ke nditịm ntịn̄, ọwọrọ ndiyak mmọ nnọ usụn̄ idemmọ. (N̄ke 29:15) [Edikot Bible eke urua ke urua; se w88-EF 8/1 p. 11 ikp. eki. 8.]

Bọrọ mme mbụme ẹtienede mi:

11. Ntak emi owo mîkpobiomke Mme Ntiense Jehovah ikpe ke ndikụt ndudue nnọ mme ido ukpono eken-e? [td-EF 29C]

12. Ntak emi edinịm ke akpanikọ oro nte ke ẹkụt “eti ke ofụri ido-ukpono” edide abian̄a? [td-EF 29G]

13. Nso idotenyịn ke mme Christian ẹnyene kaban̄a mbonima mmọ oro ẹkpan̄ade? [td-EF 20A]

14. Nnyịn isan̄a didie ifiọk ite ke edifiak ndi Jesus edidi se owo mîkwe ke enyịn? [td-EF 11A]

15. Ewe ndinen edumbet ke ẹdori nsọn̄uyo ke Ikwọ Solomon? [Edikot Bible eke urua ke urua]

16. Nte ẹtịn̄de ke Isaiah 14:4, 12-14, edu anie ke edidem Babylon okowụt? [Edikot Bible eke urua ke urua; se w85-EF 9/15 p. 15 ikp. eki. 2.]

17. Anie edi owo ukpeme eke eyomfịn, ndien nso ntọt ke enye ọnọ? (Isa. 21:8, 12) [Edikot Bible eke urua ke urua; se w87-EF 3/1 p. 12 ikp. eki. 10.]

18. Ntak emi Ecclesiastes 12:12 ọnọde utọ etikwo etikwo ekikere oro aban̄a mme n̄wed-e? [Edikot Bible eke urua ke urua; se w87-EF 9/15 p. 25.]

19. Didie ke ima ‘ọsọn̄ nte n̄kpa’? (Ikwọ Sol. 8:6, 7) [Edikot Bible eke urua ke urua; se w87-EF 11/15 p. 28.]

20. Nso ke ikọ oro “ikpîkpu” emi ẹdade ẹtịn̄ ikọ ediwak ini ke n̄wed Ecclesiastes ọwọrọ? [w87-EF 9/15 p. 24]

21. Ke Isaiah 6:8, Jehovah okobụp Isaiah ete: “Anie ke ndidọn̄ utom?” Ewe ibọrọ oro Isaiah ọkọnọde edi akwa n̄kpọ nsịnudọn̄ ọnọ nnyịn mfịn? [Edikot Bible eke urua ke urua]

22. Anie edidi edidem oro ẹtịn̄de ẹban̄a ke Isaiah ibuot 11, ndien nso mme ufọn ke ukara esie edida idi? [Edikot Bible eke urua ke urua]

23. Ini ewe ke nnyịn ikpodori enyịn iban̄a mme utịbe utịbe idaha oro ẹtịn̄de ẹban̄a ke Isaiah ibuot 2 ndidu ke ofụri ererimbot? [Edikot Bible eke urua ke urua]

24. Ntak emi akpakwan̄ade Christian ndin̄wọn̄ sika? [yy-EF p. 112]

25. Ke ewe idaha akpan akpan ke ukeme edikot n̄wed ọfọn edi ata akpan n̄kpọ? [sg-EF p. 28]

26. Ewe ndutịm ukpepn̄kpọ eke usen ke usen ke owo kiet kiet ekpetiene edieke ekemede? [sg-EF p. 36]

27. Ntak emi Jehovah esisịnde ndikpan̄ utọn̄ ke ediwak akam oro ẹbọn̄de ẹnọ enye? (Isa. 1:15) [Edikot Bible eke urua ke urua]

Mek nnennen ibọrọ ke mme utịn̄ikọ kiet kiet oro ẹtienede mi:

28. Nte ekemde ye Mme N̄ke 26:20, 21, edieke nnyịn (isisọpde ndibọrọ ikọ; isisọpde nditịn̄ ikọ; inyenede ifụre ifụre ido), utu ke ‘ndisịn ifia ke ikan̄’ nnyụn̄ nyat mbon en̄wen esịt, nnyịn iyenyene (ọkpọkpọ mfịna; idiọk edu uneme nneme; eti itie ebuana) ye mmọ. [Edikot Bible eke urua ke urua; se w91-EF 10/15 p. 13 ikp. eki. 16.]

29. Nte ekemde ye Mme N̄ke 27:6, owo oro amade fi (ididehede itịn̄ se iyatde fi; eyekop ndịk ndisian fi akpanikọ aban̄ade fi; eyenọ fi item ke ini emi afo oyomde). [Edikot Bible eke urua ke urua; se w90-EF 9/15 p. 28.]

30. Mme owo oro ẹkerede ẹte ke ekikere unana edibiere n̄kpọ nnọ owo, edinyịme se ededi oro mme owo ẹnamde eke mfịn owụt ifiọk ẹnen̄ede ẹdi (mbon oro mînọhọ unan; mbon oro ẹyọde n̄kpọ; mbon oro ẹdude ke ekịm eke spirit). (Isa. 5:20) [Edikot Bible eke urua ke urua; se w93-EF 3/1 p. 11.]

31. Ikwọ Solomon etịn̄ n̄kpọ aban̄a (utom Solomon nte edidem; akwa uforo Solomon; edinam akpanikọ oro n̄kaiferi obio-in̄wan̄ kiet akanamde ọnọ akparawa ekpemerọn̄). [Edikot Bible eke urua ke urua]

Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:

N̄ke 22:3; 31:29; Isa. 13:19, 20; 48:17

32. Ke ndinọ nnyịn ntọt mban̄a mme edinam oro ẹkemede ndinọ owo unan, Abasi enen̄ede an̄wam nnyịn ndibọ se ifọnde ikan ke uwem. [yy-EF p. 114]

33. Okposụkedi Jehovah mîsikpemeke ikọt esie inikiet inikiet isio ke mbabuat n̄kpọntịbe, en̄wan obio, m̀mê ubiatibet, ediwụt eti ibuot oro Bible ọnọde ekeme ndinyene ufọn. [Edikot Bible eke urua ke urua; se w92-EF 1/1 p. 17 ikp. eki. 23.]

34. Ke ini n̄wanndọ enyenede ifịk onyụn̄ anamde akpanikọ, ebe esie ekeme ndisio mme ikọ itoro ẹmi ntịn̄. [Edikot Bible eke urua ke urua]

35. Eti ntak odu nditre ndidede nnyene eyịghe mban̄a edisu prọfesi oro ẹdade odudu spirit ẹwet. [Edikot Bible eke urua ke urua; se w93-EF 5/15 p. 6.]