Mme Ntọt

◼ Mme n̄wed ẹnọde ke January: Ndinam Uwem Ufọk Fo Enem ke ₦80. Mme esop ẹmi ẹnyenede n̄wed ekededi oro enyenede page 192 oro ẹkemịn̄de ke babru oro akabarede etie utouto m̀mê oro okpụhọrede uduot m̀mê ekededi oro ẹkemịn̄de mbemiso 1982 ẹkeme ndinọ mmọ ke usụhọde ekọmurua ke ₦40. Ẹkpenyene ndibem iso nnọ mme utọ n̄wed oro. Owo inyeneke ndisịn mme n̄wed oro ẹkemịn̄de ke babru oro mîkpaha mmọn̄ m̀mê oro mîkpụhọkede uduot ke se ẹnọde ke usụhọde ekọmurua emi. February: Efịk, Igbo, ye Ikọmbakara—Edide Ndinam Uwem Ufọk Fo Enem m̀mê Ediyarade—Ubọn̄ Ubọn̄ Ata-Utịt Esie Emekpere! Mme usem eken—Edide Ndinam Uwem Ufọk Fo Enem m̀mê Afo Emekeme Ndidu Uwem ke Nsinsi ke Paradise ke Isọn̄. TỊMFIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.

◼ Mme esop ẹkpenyene ndinam ndutịm oro ẹdotde ndinịm Editi isua emi ke Tuesday, April 2, ke utịn ama okosụhọde. Okposụkedi esop kiet kiet akpamade ndinịm usọrọ Editi esie, emi ekeme ndidi ididịghe mmemmem n̄kpọ kpukpru ini. Ke ebiet emi ediwak esop ẹsidade Ufọkmbono Obio Ubọn̄ kiet ẹnam n̄kpọ, ndusụk esop kiet m̀mê awakde akan oro ẹkeme ndibọ itie efen ndida nnam n̄kpọ ke mbubịteyo oro. Editi ikpọtọn̄ọke ke ata idiọk ini tutu eyedi se mîfereke inọ mbufa owo oro ẹnyenede udọn̄ ndidụk. N̄ko-n̄ko, ndutịm ikpafahake ikaha tutu ini idụhe ndikọm isenowo mbemiso m̀mê ke ẹma ẹkekụre edinam, ndinam mme ndutịm kaban̄a n̄kaiso un̄wam eke spirit nnọ ndusụk owo, m̀mê ndidara nsịnudọn̄ ofụri owo. Ke ẹma ẹkekere ẹban̄a kpukpru n̄kpọ oro ẹbuanade ọyọhọ ọyọhọ, mbiowo ẹkpenyene ndibiere m̀mê mme ndutịm ewe ẹdinam mbon oro ẹdụkde Editi ndibọ ufọn ọyọhọ ọyọhọ nto edinam oro.

◼ Ẹyenọ akpan utịn̄ikọ an̄wa ini Editi eke 1996 ke Sunday, April 21. Ibuotikọ utịn̄ikọ oro edidi “Ndinana Ubiomikpe ke Ufọt N̄kwakwan̄a Emana.” Ẹyenọ n̄wed utịn̄ikọ. Mme esop oro ẹnyenede edidi esenyịn circuit, mbono circuit, m̀mê usen akpan mbono ke utịturua oro ẹdinọ akpan utịn̄ikọ oro ke urua oro etienede. Esop ndomokiet ikpenyeneke ndinọ akpan utịn̄ikọ oro mbemiso April 21.

◼ Ọtọn̄ọde ke February, ndien ibịghike ikan March 3, obufa utịn̄ikọ an̄wa mme esenyịn circuit edidi “Esop Oro Anamde Akpanikọ ke Idak Ndausụn̄ Christ.” Mme esenyịn circuit ẹmi ẹsiode ndise slide oro “Ukpepn̄kpọ Abasi Amakan ke Ofụri Ererimbot” idahaemi ẹyeka iso ye oro tutu kpukpru esop ke circuit oro ẹkop utịn̄ikọ slide oro. Nte ededi, ke mme circuit ẹmi owo mîwụtke slide oro, esenyịn circuit eyetọn̄ọ obufa utịn̄ikọ nte ẹwụtde ke enyọn̄ emi.

◼ Ẹyesio nsiondi Enyọn̄-Ukpeme ukemini eke ọfiọn̄ ke ọfiọn̄ ke usem Isoko, ọtọn̄ọde ke nsiondi eke January 1, 1996.

◼ Yearbook Mme Asiakusụn̄—Kpukpru asiakusụn̄ ofụri ini ye akpan asiakusụn̄ ẹmi enyịn̄ mmọ ẹkedude ke n̄wed ke m̀mê mbemiso July 1, 1995, ẹdot ndibọ Yearbook kiet ke mfọn. Ẹkeme ndibọ emi nto ndutịm unọ n̄wed esop. Ke babru ukpe okụk S-20, ẹnyene ndiwet ibat Yearbook mfọn oro ẹnọde mme asiakusụn̄ in̄wan̄în̄wan̄ man ẹkeme ndibat ofụri ekọmurua nsio ke idem kiet kiet. Mme asiakusụn̄ ẹkeme ndibọ Yearbook efen efen ke ekọmurua mme asiakusụn̄. Mmọemi ẹdi se ẹkamade ke an̄wautom. Ẹnyene ndiwet n̄kpọ isio isio ke idak pioneer credit ke babru ukpe okụk S-20. Wet “Yearbooks at pioneer rate.” Inaha ẹda mmọemi nte mbon oro ẹnọde mme asiakusụn̄ ke mfọn. Ẹyesio urua ke se ẹnyamde ẹnọ mme asiakusụn̄ ke kpukpru n̄wed oro ẹnọde ke ekọmurua mme asiakusụn̄.

◼ Ẹdụn̄ọde N̄wed Abasi ke Usen ke Usen Mme Asiakusụn̄—Kpukpru asiakusụn̄ ofụri ini ye akpan asiakusụn̄ ẹmi enyịn̄ mmọ ẹkedude ke n̄wed ke m̀mê mbemiso July 1, 1995, ẹdot ndibọ idem kiet ke mfọn ndida nnam n̄kpọ ọkpọkpọ. Ẹyebat ofụri ekọmurua ẹsio ke ibatokụk n̄wed mbufo ke idem kiet kiet oro ẹnọde. Owo isịnke mme asiakusụn̄ unọ un̄wam ke ekededi ke otu ndutịm emi. N̄ko, ẹnyene ndiwet ibat es96 oro ẹnọde mme asiakusụn̄ in̄wan̄în̄wan̄ ke babru ukpe okụk S-20 man ẹkeme ndibat ofụri ekọmurua nsio ke idem kiet kiet oro ẹnọde.