Edifiak-nse Eke Ufọkn̄wed Utom Ukara Abasi

Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua May 6 osịm August 19, 1996. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Uwa kiet oro Jesus akawade ada itie kpukpru uwa oro ẹkewade ke idak Ibet Moses. [uw-EF p. 33 ikp. eki. 8(4)]

2. ‘Gog eke Magog’ edi ndamban̄a usụn̄ editịn̄ ntụk mme ukara ererimbot emi. (Ezek. 38:2) [Edikot Bible eke urua ke urua; se w91-EF 8/15 p. 27 ikp. eki. 2.]

3. Kpa nte Oholah ekedide adiaha eka Oholibah, nte ẹwụtde ke Ezekiel ibuot 23, ntre ke Ido Ukpono Roman Catholic edi adiaha eka Ido Ukpono Protestant, ndien esop mbiba ẹmi ẹmesabade idemmọ ebe ke ndisịn efịbe eke spirit ye mme odudu unyamurua ye eke ukaraidem ererimbot emi. [Edikot Bible eke urua ke urua; se w89-EF 4/1 30.]

4. Inamke n̄kpọ m̀mê nso ke nnyịn inam, edieke nnyịn ibọn̄de akam inọ Abasi, kpukpru n̄kpọ ẹyefọn. [uw-EF p. 36 ikp. eki. 12]

5. Ẹkeme ndikụt nto se ikotịbede inọ Dinah, eyenan̄wan Jacob, nte ke ifọnke ndinyene mbon oro mînịmke ibet Abasi nte mme n̄kpet n̄kpet ufan. [my-EF mbụk 20]

6. James 4:17 ye Ezekiel 33:7-9 ẹdu ke n̄kemuyo, ẹwụtde ẹte ke ndinyene ifiọk mban̄a se Abasi oyomde oto nnyịn anam nnyịn inyene ndinam ibat nnọ enye. [Edikot Bible eke urua ke urua; se w93-EF 4/1 p. 7 ikp. eki. 1.]

7. Daniel ama owụt ke imọ ikedi prọfet akpanikọ ebe ke ndisiak se mbiet oro ke ndap ọkọwọrọde ke Edidem Nebuchadnezzar ama eketịn̄ ọnọ enye. [Edikot Bible eke urua ke urua; se Daniel 2:7-9, 26.]

8. Mmọn̄ oro ọfiọrọde oto temple n̄kukụt oro ẹtịn̄de ẹban̄a ke Ezekiel 47:1 ada aban̄a odudu ediyet n̄kpọ asana emi baptism enyenede. [Edikot Bible eke urua ke urua; se w88-EF 9/15 p. 27 ikp. eki. 20.]

9. Kûdede ukop ndịk ndidọhọ owo oro akpakde fi ete “adia uwem” baba, idem edieke ikot oro otode owo emi ọdọhọde nte idide Christian. (2 Pet. 2:18, 19) [uw-EF p. 43 ikp. eki. 11]

10. Akpa uduak Abasi kaban̄a ubonowo ye isọn̄ eyesu. (Isa. 55:10, 11) [kl-EF p. 9 ikp. eki. 10]

Bọrọ mme mbụme ẹtienede mi:

11. Edidomo oro Abraham okodomode ndiwa Isaac akpan̄wam nnyịn ndifiọk nso? (Gen. 22:1-18) [uw-EF p. 32 ikp. eki. 8(1)]

12. Ntak emi ẹkemede ndidọhọ ke utom oro Jehovah Abasi ọkọnọde Adam ye Eve ndinam ekedi ibet? (Gen. 1:28; 2:15) [uw-EF p. 38 ikp. eki. 2]

13. Ke nso usụn̄ ke ana Mme Ntiense Jehovah oro ẹyetde aran ye mme nsan̄a mmọ ẹtie nte Ezekiel? (Ezek. 11:25) [Edikot Bible eke urua ke urua; se w88-EF 9/15 p. 16 ikp. eki. 3.]

14. Mmanie ẹsịne ke mfri Urụkikọt? [uw-EF p. 30 ikp. eki. 3]

15. Ke adianade ye edidori Jehovah ikọ ete ke osu nsu, Satan ọkọdọhọ ke Abasi etre ndinọ mme edibotn̄kpọ esie nso? (Gen. 3:1-5) [uw-EF p. 46 ikp. eki. 1]

16. Nso idi “obio” oro ẹtịn̄de ẹban̄a ke Mme Hebrew 11:10? [uw-EF p. 48 ikp. eki. 6]

17. Ke ewe usụn̄ iba ke ẹkeme ndidọhọ ke Adam ye Eve ẹkekpa ke “usen oro” mmọ ẹkediade eto ifiọk eti ye idiọk? (Gen. 2:17) [uw-EF p. 56 ikp. eki. 5]

18. Nso ke enyịn̄ Abasi, Jehovah, ọwọrọ? [kl-EF p. 25 ikp. eki. 7]

19. Ewe prọfet eketịn̄ aban̄a isọn̄ nte “ekara,” ndien ke m̀mọ̀n̄ ke ẹwet emi ke N̄wed Abasi? [kl-EF p. 17 ikp. eki. 14]

20. Didie ke Bible ọnọ nnyịn in̄wan̄în̄wan̄ ekikere aban̄a mme idaha Abasi, ndien didie ke nnyịn ikeme ndibọ ufọn nto utọ ifiọk oro? [kl-EF p. 15 ikp. eki. 9]

Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:

21. Ke ndisu Ezekiel 21:26, ‘ẹma ẹsụhọde’ obio ubọn̄ _________________________ ekedide “se ikon̄de” ebe ke ndisobo enye ke _________________________, ndien ẹma ẹmenede mme obio ubọn̄ _________________________ ẹkedide “se isụhọde” ẹnịm ke ‘n̄kokon̄ itie,’ ẹyakde mmọ ẹkara isọn̄ ye unana ubiọn̄ọ otode ndamban̄a _________________________ Abasi. [Edikot Bible eke urua ke urua; se w88-EF 9/15 p. 19 ikp. eki. 16.]

22. Kpa ye edide _________________________ oro ẹkewetde ke mbemiso, n̄wed Daniel edi akpanikọ. Ẹma ẹsiak Daniel utịm _________________________ ke n̄wed Ezekiel. [w88-EF 12/1 p. 11 ikp. eki. 5]

23. Edinam Jehovah ye Pharaoh ama ayarade akwa _________________________ esie, onyụn̄ ayarade _________________________ esie ke ndinọ mme ọsọn̄ibuot andibiọn̄ọ ye mbon ufịk ufen. [kl-EF p. 27 ikp. eki. 14]

24. Exodus 34:7 etịn̄ aban̄a se iditịbede inọ nditọ Israel nte _________________________ edieke mmọ ẹnamde idiọkn̄kpọ ẹdian Abasi ndien ẹdade mmọ ẹka ntan̄mfep, ke adan̄aemi Ezekiel 18:4 etịn̄de aban̄a _________________________ edinam ibat nnọ Abasi. [Edikot Bible eke urua ke urua; se w88-EF 2/1 p. 6.]

25. Ke ini okotde Bible, ọfọn ndibụp idemfo nte afo ekemede ndida se okotde nsịn ke edinam _________________________ ye nte ekemede ndida se okotde n̄n̄wam _________________________. [uw-EF p. 26 ikp. eki. 12(4) ye p. 28 ikp. eki. 12(5)]

Mek nnennen ibọrọ ke mme utịn̄ikọ kiet kiet oro ẹtienede mi:

26. Akpan n̄kpọ oro ebehede Christian ke uwem edi (ndinyene mme ifetutom ke esop; ndibọhọ Armageddon; ndinyene eti itie ebuana ye Jehovah). [uw-EF p. 42 ikp. eki. 9]

27. Ediwak owo ẹsịn ndinyịme nte ke mme mfịna ẹmi nnyịn ikemede ndisobo ke uwem ẹsiwak ndidemede ke ntak (mbon oro ẹbierede ndinọ nnyịn unan; ini ye unọmọ; mme udọn̄ idiọkn̄kpọ eke idem nnyịn ye ndiọi nsan̄a). (1 Cor. 15:33; Jas. 1:14, 15) [uw-EF p. 44 ikp. eki. 13]

28. (Ifiọk; ukeme ndinọ ukpep; eduuwem) nnyịn owụt ebiet emi nnyịn idade ke se iban̄ade akakan eneni oro abuanade nsọn̄ọnda nnyịn ye Abasi. [uw-EF p. 52 ikp. eki. 12]

29. Akpa mbon oro ẹkedide “mme eso mbọm” ẹkedi (mme Gentile; mme Jew; mbon Samaria oro ẹkenade mbobi), udiana ẹkedi (mme Gentile; mme Jew; mbon Samaria oro ẹkenade mbobi), ndien akpatre ẹkedi (mme Gentile; mme Jew; mbon Samaria oro ẹkenade mbobi). (Rome 9:23, 24) [uw-EF p. 58, 59 ikp. eki. 8, 10]

30. (Daniel ye Hosea; Joel ye Amos; Isaiah ye Jeremiah) ẹma ẹbem iso ẹtịn̄ ẹban̄a iduọ Babylon. [kl-EF p. 18 ikp. eki. 17]

Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:

Ps. 78:40, 41; Ezek. 18:25; Dan. 1:8, 11-13; Utom 8:32-38; 1 John 1:8, 9

31. Ndiwụt esịtekọm nnọ akpanikọ ye se Jesus Christ anamde ke ndisu mme prọfesi Bible onụk mbon esịt akpanikọ ndina baptism. [uw-EF p. 32 ikp. eki. 7]

32. N̄kparawa Christian ikpemen̄eke ndinam mbon ukara ye ekemmọ nditọ ufọkn̄wed ẹdiọn̄ọ ke usụn̄ oro owụtde ukpono nte ke mmimọ idibiatke ubieresịt mmimọ oro ẹnọde ukpep ke ido Abasi. [Edikot Bible eke urua ke urua; se w92-EF 11/1 p. 14 ikp. eki. 17.]

33. Ebede ke ndinyene ata mbuọtidem ke uwa Jesus Christ, nnyịn imekeme ndinen̄ede nnyene edisana ubieresịt ke ntak edifen mme idiọkn̄kpọ. [uw-EF p. 35 ikp. eki. 10]

34. Ana mme ata Christian ẹdu ke mben̄eidem kpukpru ini ndinam ekikere mmọ ekekem ye mme usụn̄ Jehovah, ndien nnyịn ikpedehede ikere ke eti item N̄wed Abasi ibeheke nnyịn ndien ifụmi enye. [Edikot Bible eke urua ke urua; se w90-EF 11/1 p. 31.]

35. Abasi enyene ntụk, ndien mme edimek oro nnyịn inamde ẹbehe enye. [kl-EF p. 14 ikp. eki. 8]