Mme Esoputom Eke November
Urua Ọtọn̄ọde November 4
Ikwọ 29 (11)
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ n̄kpọ ban̄a ibatutom an̄wautom July eke idụt ye eke esop n̄kann̄kụk.
Min. 15: “Nte Afo ke Etịm Asiak Ikọ Abasi?” Mbụme ye ibọrọ. Sịn mme ikọ ẹdude ke “Reasons for considering the Bible” (Mme ntak ndikere mban̄a Bible), ẹtode n̄wed Reasoning, page 58-60.
Min. 20: “Nsinsi Uwem Oro Edi.” (Ikpehe ekikere 1-5) Ke ama eketịn̄ ibio ibio ntọn̄ọikọ ke ikpehe ekikere 1, nam asuanetop iba oro ẹdotde ẹnam nneme oro ẹdude ke ikpehe ekikere 2-5 ẹwụt. Sọn̄ọ tịn̄ utịtmbuba eke editọn̄ọ ukpepn̄kpọ Bible.
Ikwọ 128 (58) ye akam ediberi.
Urua Ọtọn̄ọde November 11
Ikwọ 40 (60)
Min. 10: Mme ntọt n̄kann̄kụk. Dụn̄ọde mme ndutịm an̄wautom ẹnamde ẹnọ utịturua emi.
Min. 20: Ntak Ọnọde Jehovah Enọ? Nneme ke ufọt mbiowo iba, owụtde mme akpan n̄kpọ ke ibuotikọ odude ke page 28-31 ke Enyọn̄-Ukpeme eke November 1, 1996. Mîdịghe ẹkeme ndinọ ntọt oro ke utịn̄ikọ oro ebiowo ọnọde.
Min. 15: “Nsinsi Uwem Oro Edi.” (Ikpehe ekikere 6-8) Tịn̄ ban̄a mme ufọn editọn̄ọ mme ukpepn̄kpọ nnennen nnennen. Nam mme asuanetop oro ẹnyenede mbufiọk ẹnam nneme ẹdude ke ikpehe ekikere 6-7 ẹwụt. Dọhọ otuowo obụk aban̄a mme idaha ẹmi ẹketọn̄ọde ukpepn̄kpọ ke akpa ediwaha. Ke ini ẹkeyomde nditọn̄ọ ukpepn̄kpọ nnennen nnennen ye enye, ete kiet ọkọbọrọ ete: “Ih. Dụk di esịtufọk. N̄kpama ndinyene ukpepn̄kpọ.” Ẹma ẹtọn̄ọ ukpepn̄kpọ ye enye, ofụri ubon esie ẹma ẹtie ẹkop ke urua efen, ndien ikebịghike kpukpru owo ẹma ẹsidụk mme mbonoesop ẹnyụn̄ ẹbuana ke utom unọ ikọ ntiense. Sịn udọn̄ nọ kpukpru owo ẹda esịne-esịt Utom Obio Ubọn̄ Nnyịn eke June 1996 mmọ ẹdi Esoputom urua en̄wen.
Ikwọ 129 (66) ye akam ediberi.
Urua Ọtọn̄ọde November 18
Ikwọ 140 (77)
Min. 10: Mme ntọt n̄kann̄kụk. Ntọt ibatokụk.
Min. 15: “Nnyịn Imenyene Utom.” Mbụme ye ibọrọ. Tịn̄ n̄kpọ ibio ibio ban̄a ikpehe ekikere 13-16 ke Enyọn̄-Ukpeme eke January 1, 1988, page 30-31.
Min. 20: Ndinịm Ukpepn̄kpọ Bible Oro Ẹnyenede Uforo. Utịn̄ikọ oro esenyịn utom ọnọde. Nnyịn imakama n̄wed Ifiọk ke utom edikpep Bible ke n̄kpọ nte isua kiet. Eyedi ndusụk nditọ ukpepn̄kpọ ẹmekụre enye, ke adan̄aemi edide mmọ eken ẹka anyan ke n̄wed oro. Ẹma ẹsịn udọn̄ ẹnọ nnyịn ndinọ ntịn̄enyịn ke ndinịm mme ukpepn̄kpọ oro ẹtịmde man ẹn̄wam mbufa owo ẹsọp ẹkpep akpanikọ, ẹda enye ẹsịn ke edinam ke uwem mmọ, ẹnyụn̄ ẹkabade ẹdi ubak esop. Esịne-esịt Utom Obio Ubọn̄ Nnyịn eke June 1996 ama ọnọ nti ekikere ndin̄wam nnyịn inyene uforo nte mme andikpep. Ke ibio ibio usụn̄ dụn̄ọde ndusụk n̄kpọ oro nnyịn ikemede ndinam man inọ nditọ ukpepn̄kpọ nnyịn ukpep ye usọ, nte ẹnemede ke ikpehe ekikere 3-13 ke esịne-esịt oro. Ekem, nọ ntịn̄enyịn ke se ẹnyenede ndinam man ẹn̄wam mmọ ẹda eti idaha, nte ẹwụtde ke ikpehe ekikere 14-22. Kot ikpehe ekikere 15, 17, 20-21. Dụn̄ọde ndusụk nti ntọt ẹban̄ade nte mme asuanetop n̄kann̄kụk ẹkenyenede nti utịp. Sịn udọn̄ nọ mme owo efen efen ndibuana ke utom ukpep Bible.
Ikwọ 85 (44) ye akam ediberi.
Urua Ọtọn̄ọde November 25
Ikwọ 46 (20)
Min. 5: Mme ntọt n̄kann̄kụk.
Min. 10: Ekebe Mbụme. Neme ye otuowo.
Min. 18: “Tan̄a Eti Mbụk Uko Uko.” Edineme ibuotikọ ke mbụme ye ibọrọ. Kot mme ikpehe ekikere nte ini ayakde.
Min. 12: Dụn̄ọde Mme N̄wed Ẹnọde ke December. Nọ n̄wed Akakan Owo m̀mê N̄wed Mi eke Mme Mbụk Bible. Ke ọnọde n̄wed Akakan Owo, kûbọde ka ibuot 35 ke idak ekpri ibuotikọ oro “Mmanie Ẹnen̄ede Ẹkop Inemesịt?” Wụt akpanikọ oro nte ke kpukpru owo ẹyom ndikop inemesịt mfịn. Edi ntak emi ata ediwak owo mîkopke inemesịt-e? Nso idi mfịna? Ke akamade mme ekikere ẹdude ke ibuotikọ emi, wụt ete ke ata inemesịt ọkọn̄ọ ke (1) owo ndinyene udọn̄ ke n̄kpọ eke spirit esie, (2) ndinyene ifụre ifụre ido nnyụn̄ ndi se ẹkemede ndinọ ukpep, ye (3) ndikop Ikọ Abasi nnyụn̄ ndi mme anam ikọ. Wụt idotenyịn ini iso oro enyenede ifụre oro anade ebet mbon oro ẹnyenede udọn̄ ke n̄kpọ eke spirit. Kûbọde ka ibuot 133 nyụn̄ kot Luke 23:43, owụtde ke idibịghike ndinen owo ẹyedu uwem ke nsinsi ke paradise oro ẹfiakde ẹwụk. Wụt ibio ibio nnamn̄wụt, adade mme ekikere oro ẹwụtde mi. Ke ebiet ekededi ẹwụtde udọn̄, ẹkpenyene ndinam mme akpan ndutịm nnọ mfiakn̄ka.
Ikwọ 180 (100) ye akam ediberi.