Edifiak-nse Eke Ufọkn̄wed Utom Ukara Abasi
Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua September 6 osịm December 23, 1996. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.
[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]
Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:
1. “Idiọk unam” oro enyenede ibuot itiaba ye nnụk duop emi ẹwụtde ke Ediyarade 13:1 idịghe n̄kpọ efen ikan Satan kpa Devil. [uw-EF p. 63 ikp. eki. 4]
2. Inen̄ekede idu “akamba iyak” emi ekemede ndimen owo ofụri. (Jonah 1:17) [w89-EF 4/15 p. 31, ekebe]
3. Prọfesi oro ke Daniel 9:24, 25 anyan ubọk owụt emana Jesus. [kl-EF p. 36 ikp. eki. 8]
4. Prọfesi oro ke Micah 3:12 etịn̄ aban̄a nsobo ye n̄wụre Jerusalem oro ekedide ke 607 M.E.N. [w89-EF 5/1 p. 15]
5. Oyom nnyịn ituak ibuot inọ Abasi ke spirit, emi esịt oro ọyọhọde ye mbuọtidem ye ima onụkde; ofụri se ẹyomde ẹto nnyịn edi oro. [kl-EF p. 45 ikp. eki. 4]
6. Usụn̄ uyarade ita oro ẹsọn̄ọde ke Jesus ekedi Messiah ẹdi (1) udịm ubon Jesus, (2) prọfesi ẹmi ẹsude, ye (3) ikọ ntiense Jehovah Abasi. [kl-EF p. 34-38 ikp. eki. 6-10]
7. Ẹketịn̄ prọfesi Hosea akpan akpan ẹnọ obio ubọn̄ esien Judah iba. [w89-EF 3/1 p. 14]
8. Oyom nnyịn owo kiet kiet idụn̄ọde utuakibuot nnyịn man ikụt ite ke owo idaha mme edinam unana uten̄e Abasi isabade inyụn̄ inyịme ekikere Abasi oro odude ke James 1:27. [kl-EF p. 51 ikp. eki. 20]
9. Nte ekemde ye Zephaniah 3:9, ikọt Abasi ẹyediana kiet ke obufa ererimbot koro kpukpru mmọ ẹdisem usem kiet—Hebrew. [Edikot Bible eke urua ke urua; se w89-EF 6/1 p. 30, ekebe.]
10. Ke ndisu Daniel 12:1, Michael ke ‘adada’ toto ke 1914 ke ini enye akakabade edi Edidem Obio Ubọn̄ Abasi eke heaven; ibịghike enye “eyedaha ada” ke enyịn̄ Jehovah nte Edidem-An̄wana-Ekọn̄ oro owo mîkemeke ndikan, adade nsobo ọsọk idiọk editịm n̄kpọ emi. [Edikot Bible eke urua ke urua; se w93-EF 11/1 p. 23 ikp. eki. 23.]
Bọrọ mme mbụme ẹtienede mi:
11. Mmanie ẹdi “se mme idụt ẹyomde” oro ẹtịn̄de ẹban̄a ke Haggai 2:7, ndien ke nso usụn̄ ke mmọ “ẹdụk ẹdi”? [Edikot Bible eke urua ke urua; se w89-EF 6/1 p. 31 ikp. eki. 5.]
12. Ewe ikọ N̄wed Abasi emi nditọ Hebrew ita oro ẹketịn̄de owụt ke mmọ ndikop uyo nnọ Abasi ikọkọn̄ọke ke ukpeme ye edinyan̄a Abasi? (Dan. 3:16-18) [w88-EF 12/1 p. 19 ikp. eki. 14]
13. Ewe itien̄wed Abasi ekebem iso etịn̄ itie emana Messiah? [w89-EF 5/1 p. 14 ikp. eki. 5, ekebe]
14. Ntak emi mme utom odudu ẹmi ẹnamde ke enyịn̄ Jesus mîdidịghe ata uyarade mfọn ye ibetedem Abasi? [kl-EF p. 46 ikp. eki. 6-7]
15. Nso ekikere ke Psalm 2:2 ọnọ kaban̄a nte kpukpru owo ẹdinyịmede Jesus nte Messiah oro ẹken̄wọn̄ọde? [kl-EF p. 36 ikp. eki. 9]
16. Sia mme orụk utuakibuot emi Jehovah mînyịmeke ẹdude, nso ke ana nnyịn inam edieke iyomde Abasi onyịme utuakibuot nnyịn? [kl-EF p. 45 ikp. eki. 5]
17. Sia edinyịme Jesus Christ nte Ọbọn̄ edide akpan n̄kpọ ke utuakibuot akpanikọ, ntak emi Jesus mîdinyịmeke ndusụk mbon ẹmi ẹdọhọde ke idi mbet esie? [kl-EF p. 46 ikp. eki. 6, 7]
18. Okposụkedi mme adaiso ido ukpono mme Jew eke eyo Jesus ẹkekerede ke Abasi ama onyịme utuakibuot mmimọ, didie ke Jesus ekese enye, ndien didie ke nnyịn ikeme ndinam nte mmọ ẹkenamde? [kl-EF p. 48 ikp. eki. 12, 13]
19. Ke Haggai 2:9, ewe temple ekedi “ukperedem ufọk,” ewe ekedi “akpa,” ndien ntak emi ubọn̄ eke “ukperedem ufọk” okokponde akan eke “akpa”? [Edikot Bible eke urua ke urua; se w89-EF 6/1 p. 30, ekebe.]
20. Nso ke Hosea 14:2 ekesịn udọn̄ ọnọ nditọ Israel ndinam, ndien didie ke Mme Ntiense Jehovah ẹsu prọfesi oro mfịn? (Heb. 13:15) [Edikot Bible eke urua ke urua; se w94-EF 9/15 p. 10 ikp. eki. 1-2.]
Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:
21. Prọfet _________________________ okokot obio _________________________ obio afai n̄kpọ nte isua 200 ke _________________________ ama okokụre utom oro Abasi ọkọnọde enye anam do. [w89-EF 4/15 p. 31 ikp. eki. 1, w89-EF 5/15 p. 24 ikp. eki. 5]
22. Satan ke n̄kari amatap mme owo ndiyụhọ mme _________________________ udọn̄ ke _________________________ usụn̄. [uw-EF p. 65 ikp. eki. 9]
23. Man inyene ukpeme ke n̄kan̄ eke spirit, inaha nnyịn ifụmi ndisịne baba mbak n̄kpọekọn̄ kiet otode Abasi, emi esịnede _________________________, “_________________________ nte ukwak ikpanesịt,” “mben̄e-idem ndikwọrọ _________________________ emem,” “_________________________ nte otu-ekọn̄,” “_________________________ nte ndụn ke ibuot,” ye “_________________________ Spirit.” [uw-EF p. 68 ikp. eki. 14]
24 Mbon oro ẹsọn̄ọde ẹyịre ke ido ukpono eset, ke esịt m̀mê ke ọwọrọde ọkpọn̄ Christendom, ẹkere ẹte ke mmimọ imenyene ukpọn̄ oro _________________________, emi anamde _________________________ edi se owo mîyomke. [uw-EF p. 71 ikp. eki. 3]
25. Ke etienede nsobo oro mbon Rome ẹkesobode Jerusalem ke _________________________ nte mme owo ẹma ẹsop ke mbụk, kpa nte Obadiah ekebemde iso etịn̄. [w89-EF 4/15 p. 30 ikp. eki. 2, ekebe]
Mek nnennen ibọrọ ke mme utịn̄ikọ kiet kiet oro ẹtienede mi:
26. Ẹketịn̄ ẹban̄a iban mme ama n̄kokon̄ uwem ẹmi ẹkedụn̄de ke Samaria nte “enan̄ Bashan” koro mmọ (ẹkekponde ubom ẹnyụn̄ ẹnyenede n̄kpọ etieti; ẹkedide mme andidụn̄ Bashan; ẹkenụkde mme ebe mmọ ndibọ mme ubuene okụk ke n̄kanubọk). (Amos 4:1) [w89-EF 4/1 p. 22 ikp. eki. 2, ekebe]
27. N̄wed Amos, oro ẹkewetde ke n̄kpọ nte ufọt ufọt (855 M.E.N.; 829 M.E.N.; 830 M.E.N.;) ye 804 M.E.N. ọmọnọ ikike ke (unyịme; ọniọn̄; ukeme) Abasi ndibem iso nda n̄kụt mme afanikọn̄ ẹmi ẹdide. [w89-EF 4/1 p. 22 ikp. eki. 2]
28. Ke ama ọkọkọri okpon onyụn̄ ọtọn̄ọ utom esie ke edide isua (33; 29; 30), Jesus n̄ko ama owụt ntotụn̄ọ (ukpono; udọn̄; ima) oro enye ekenyenede ọnọ ekemmọ owo. [kl-EF p. 40 ikp. eki. 16]
29. (Peter; John; Paul) okokot oto Joel 2:32 ke (Utom 2:40; Rome 10:13; 1 Timothy 2:4), emi enye ọsọn̄ọde etịn̄ nte edikot enyịn̄ Jehovah edide akpan n̄kpọ. [Edikot Bible eke urua ke urua; se w96-EF 4/1 p. 20 ikp. eki. 16.]
30. Edidem ye andikara ẹma ẹnyene ubọk ke ndikanam ẹwot (James; Stephen; Jesus). N̄kani asua oro (Paul; Barnabas; Herod) ye (Caiaphas; Pilate; Barnabas) ẹma ẹkabade ẹdi ata ufan ọtọn̄ọde ke ini oro ka iso. [kl-EF p. 36 ikp. eki. 9]
Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak: 1 Tim. 2:3, 4; Hos. 10:12; Zeph. 2:1-3; Jas. 1:26, 27; 1 John 2:15-17
31. Man Abasi onyịme utuakibuot nnyịn, inaha mme edinam ererimbot ẹtre ndisabade enye kpọt edi esịne n̄ko kpukpru n̄kpọ oro Abasi abatde ke akpan n̄kpọ. [kl-EF p. 51 ikp. eki. 20]
32. Ebede ke ndinam se inende ke uwem nnyịn eke usen ke usen, nnyịn iyedọk ima mfọnido Jehovah. [Edikot Bible eke urua ke urua; se w96-EF 3/15 p. 23 ikp. eki. 2-3.]
33. Nnyịn ikpenyene ndisịn̄ede idem nnyịn man inyene nnennen ifiọk Abasi inyụn̄ inam uduak esie, isọn̄ọde iyịre ketket ke mme n̄kpọ oro enye oyomde kaban̄a utuakibuot oro ẹnyịmede. [kl-EF p. 52 ikp. eki. 22]
34. Nte mme ata Christian, nnyịn inyene ndifep edinam ekededi oro owụtde edu ererimbot oro mîbakke Abasi emi akande nnyịn okụk. [kl-EF p. 50 ikp. eki. 17]
35. Man ẹdịp owo ke usen Jehovah, oyom se ikande enyọn̄ enyọn̄ ifiọk N̄wed Abasi. [w89-EF 6/1 p. 30 ikp. eki. 4]