Mme Esoputom Eke March
Urua Ọtọn̄ọde March 3
Ikwọ 53 (27)
Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Sịn udọn̄ nọ kpukpru owo nditọn̄ọ ndikot mbon ẹmi ẹnyenede udọn̄ ẹdi Editi ke March 23. Wụt idem n̄wed ikot Editi oro kiet, nyụn̄ sịn udọn̄ nọ kpukpru owo ẹbọ n̄wed ikot ẹnyụn̄ ẹtọn̄ọ ndideme mmọ urua emi.
Min. 10: “Un̄wam ke Nnennen Ini.” Dụri ntịn̄enyịn ka ibuotikọ, nyụn̄ wụt mme akpan n̄kpọ oro ẹnyenede ufọn ke mbufa n̄wed oro kiet kiet.
Min. 20: “Ndin̄wam Mme Ubon Ẹnyene Ini Iso Oro Ebịghide.” (Ikpehe ekikere 1-5) Tịn̄ n̄kpọ ibio ibio ke ikpehe ekikere 1, ndien ekem neme nte ẹkemede ndikọri udọn̄ ke n̄wed Inemesịt Ubon ebe ke ndikama mme enyịn̄ ibuotikọ, ndiye ndise, ye mme ekebe ndụn̄ọde. Nam mme asuanetop ẹmi ẹdotde ẹnam nneme oro ẹdude ke ikpehe ekikere 2-5 ẹwụt. Sịn udọn̄ nọ kpukpru owo ndisịn akpan ukeme ndinịm n̄wed oro ye mme ubon ẹmi ẹkewụtde udọn̄ ke mbemiso.
Ikwọ 71 (91) ye akam ediberi.
Urua Ọtọn̄ọde March 10
Ikwọ 56 (33)
Min. 10: Mme ntọt n̄kann̄kụk. Dụn̄ọde “Se Ẹtide Owo Ẹban̄a Editi.” Ti kpukpru owo ẹkụt ẹte ke imetiene ndutịm edikot Bible Editi oro ẹnamde ẹnọ March 18-23, nte ẹwụtde ke Ẹdụn̄ọde N̄wed Abasi ke Usen ke Usen.
Min. 20: “Ẹnyene Esịtekọm.” Mbụme ye ibọrọ. Kpukpru owo ẹkpenyene ndisịn ọkpọsọn̄ ukeme ke ndikot nditọ ukpepn̄kpọ Bible, mbon ẹmi ẹnyenede udọn̄, nti mbonubon, ye eyenete eren m̀mê an̄wan ekededi emi mîbuanake ifịk ifịk ye esop ndidụk Editi. Ibio ibio nnamn̄wụt ndiwụt nte asuanetop okotde owo emi enyenede udọn̄ edi Editi, akamade n̄wed ikot Editi. Tịn̄ mme n̄kpọ efen efen ẹmi ẹdude ke Enyọn̄-Ukpeme eke July 1, 1988, page 11, ikpehe ekikere 16-17. Sịn udọn̄ nọ kpukpru owo ẹmi ẹkemede ndinam usiakusụn̄ unọ un̄wam ke April ye May.
Min. 15: “Ndin̄wam Mme Ubon Ẹnyene Ini Iso Oro Ebịghide.” (Ikpehe ekikere 6-8) Nọ ndusụk ekikere ẹwụtde nte ẹnọde n̄wed Inemesịt Ubon ke ini ẹnọde ikọ ntiense ido nneme ke itieutom, ke ufọkn̄wed, ke itie inemesịt, m̀mê ke n̄kpọisan̄ mbio obio, ọkọrọ ye ke ini ẹkade ẹkese mme iman. Nam asuanetop emi odotde anam mme nneme ẹdude ke ikpehe ekikere 6 ye 7 owut. Nneme oro ẹnyenede ke mfiakn̄ka ekpenyene ndin̄wam owo oro ọfiọk nte ukpepn̄kpọ Bible ekemede ndisọn̄ọ mme mbọbọ ubon. Ẹnyene ndinịm mme ukpepn̄kpọ ke ediye uduot ekpri n̄wed oro Nso ke Abasi Oyom Oto Nnyịn?, ye utịtmbuba edibe ndụk n̄wed Ifiọk, mîdịghe ẹkeme nditọn̄ọ ukpepn̄kpọ ke n̄wed Ifiọk ke idemesie.
Ikwọ 72 (92) ye akam ediberi.
Urua Ọtọn̄ọde March 17
Ikwọ 63 (32)
Min. 15: Mme ntọt n̄kann̄kụk. Ntọt ibatokụk. Wụt ndutịm Editi n̄kann̄kụk. Kpukpru owo ẹkpenyene ndinam akpatre ndutịm ndin̄wam nditọ ukpepn̄kpọ Bible ye mbon ẹmi ẹnyenede udọn̄ ndidụk.
Min. 15: Mme udọn̄ n̄kann̄kụk. Mîdịghe utịn̄ikọ oro ebiowo ọnọde ke ibuotikọ oro “Ndi Enen̄ede Oyom Afo Ekpe Ubọk?” ke Enyọn̄-Ukpeme eke September 15, 1996, page 22-24.
Min. 15: “Bọp Ufọk Fo.” Mbụme ye ibọrọ. Sịn mme ifiọkutom ẹtode 1995 Yearbook, page 228.
Ikwọ 75 (28) ye akam ediberi.
Urua Ọtọn̄ọde March 24
Ikwọ 67 (38)
Min. 9: Mme ntọt n̄kann̄kụk. Nam an̄wan̄a nte ke ini ibehe ikaha ndisịn n̄wed eben̄e ndinam usiakusụn̄ unọ un̄wam ke April. Wụt mme ndutịm efen efen oro ẹnamde ke n̄kann̄kụk ẹnọ mme mbono an̄wautom ke ọfiọn̄ oro.
Min. 24: “Nyene Uko Ndinam Mme Mfiakn̄ka.” (Ikpehe ekikere 1-20) Mbụme ye ibọrọ. Nam ikpehe ekikere 16 wụt ibio ibio.
Min. 12: Ndin̄wam Obufa Asuanetop Ọtọn̄ọ. Dụn̄ọde ikpehe ekikere 19 ke esịne-esịt Utom Obio Ubọn̄ Nnyịn eke June 1996. Nam wụt nte asuanetop emi odotde etịmde eyen ukpepn̄kpọ Bible idem emi mbiowo ẹsụk ẹnọde unyịme ndidi asuanetop emi mînaha baptism. Mmọ ẹdụn̄ọde n̄wed Utom Nnyịn ọtọkiet, page 111, ikpehe ekikere 2. Asuanetop emi enyenede ifiọk osio owụt n̄kpọ emi enye ekemede ndisobo ke ini abuanade ke unọ ikọ ntiense eke ufọk ke ufọk ye nte ke ufọn idụhe ndikop mmemidem edieke ekese owo ẹtrede ndikop. Asuanetop obụk mme akama-nsịnudọn̄ ifiọkutom ẹmi ẹwụtde idatesịt oro inyenede ke ini ikụtde owo oro enyenede esịt akpanikọ emi edinọde n̄kpan̄utọn̄. Mmọ ẹtịm ibio ibio, mmemmem nneme magazine ọtọkiet ndien ekem ẹdomo enye ẹse. Ẹnọ akama-nsịnudọn̄ itoro ẹnyụn̄ ẹnam akpan ndutịm ndibuana ke an̄wautom ọtọkiet urua emi.
Ikwọ 89 (49) ye akam ediberi.
Urua Ọtọn̄ọde March 31
Ikwọ 70 (39)
Min. 15: Mme ntọt n̄kann̄kụk. Nọ kpukpru mbon ẹmi ẹnyenede udọn̄ ikot ndidụk akpan utịn̄ikọ ke April 6. Ti kpukpru owo ẹnọ ibatutom an̄wautom mmọ eke March. Tọt enyịn̄ kpukpru mbon ẹmi ẹnamde usiakusụn̄ unọ un̄wam ke April. Dụn̄ọde Ekebe Mbụme.
Min. 20: “Nyene Uko Ndinam Mme Mfiakn̄ka.” (Ikpehe ekikere 21-35) Mbụme ye ibọrọ. Dụn̄ọde ekebe oro odude ke page 3. Sịn udọn̄ nọ kpukpru owo ndibat kpukpru mfiakn̄ka oro mmọ ẹnamde ke ọfiọn̄ oro ke ini ẹtọtde ibatutom an̄wautom mmọ.
Min. 10: Dụn̄ọde Mme N̄wed Ẹnọde ke April. Nọ editobo Enyọn̄-Ukpeme. Edieke owo mîbọhọ editobo, nọ mme idem magazine Enyọn̄-Ukpeme ye Awake! kiet kiet. Bụk mme ekikere ẹnọde ẹban̄a nte ẹkemede nditịm idem nnọ mme nneme magazine oro ẹdude ke ikpehe ekikere 3, 4, ye 8 ke page 8 ke Utom Obio Ubọn̄ Nnyịn eke October 1996. Dọhọ mme asuanetop iba ẹnam ibio ibio nneme kiet m̀mê iba ẹwụt. Mme asuanetop ẹkpenyene ndiwet ibat mbon ẹmi ẹbọde magazine nnịm ẹnyụn̄ ẹsịn mmọ ke afan̄ magazine mmọ.
Ikwọ 92 (51) ye akam ediberi.