Mme Ntọt

◼ Mme n̄wed ẹnọde ke August: Ekededi ke otu ndiye uduot n̄kpri n̄wed oro ẹnyenede page 32 ẹmi ẹtienede mi ke ₦15: Dara Uwem ke Isọn̄ ke Nsinsi!, Ke Ini Owo Oro Afo Amade Akpade, Nso Idi Uduak Uwem? Didie ke Afo Ekeme Ndikụt Enye?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, ye Ukara Emi Edidade Paradise Edi. September: Ukpọhọde Inemesịt Ubon. October: Editobo Awake! m̀mê Enyọn̄-Ukpeme m̀mê magazine mbiba. November: Edideme Mbụk Obio Ubọn̄ Nọ. 35 ayaka iso. Mme esop oro ẹkụrede efakutom mmọ ke ndida Mbụk Obio Ubọn̄ Nọ. 35 nsịm mme enyeneufọk ke kpukpru ufọk m̀mê itieidụn̄ ẹkeme ndinọ n̄wed Ifiọk. TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi, ke ẹsiode Mbụk Obio Ubọn̄ Nọ. 35 emi ẹdinọde ẹsọk kpukpru esop ẹfep, ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.

◼ Ẹnọ mme babru S-1, S-14, ye S-20 oro ekemde ẹsọk esop kiet kiet ndikama ke isua utom 1998. Mbọk ẹda mme babru ẹmi ẹnam n̄kpọ ye mbufiọk. Ẹkpenyene ndida mmọ nnam se ẹkenamde mmọ ẹnọ kpọt.

◼ Esop kiet kiet ọyọbọ babru Literature Inventory (S-18) ita. Ewetn̄wed esop ekpenyene ndisobo ye asan̄autom akamade n̄wed ke ntọn̄ọ ntọn̄ọ August onyụn̄ enịm usen ndibat mme n̄wed ẹdude ke esop ke utịt ọfiọn̄ oro. Ana ẹbat ata edibabat kpukpru n̄wed ẹdude, ndien ẹnyene ndiwet ofụri ibat nsịn ke babru Literature Inventory. Ẹkeme ndibọ ofụri ibat magazine ẹdude nto asan̄autom akamade magazine. Mbọk ẹnọ akpa ikọn̄ oro ẹsọk N̄ka okûbịghi akan September 6. Sịn udiana ikọn̄ ke usịn n̄wed mbufo. Ẹkeme ndida ọyọhọ ikọn̄ ita nte babru uwetn̄kpọ. Ewetn̄wed esop ekpenyene ndise enyịn ke nte ẹwetde n̄kpọ ke babru emi, ndien esenyịn oro etiede ibuot ekpenyene ndidụn̄ọde babru oro ẹwetde n̄kpọ ẹdọn̄ ẹyọhọ. Ewetn̄wed ye esenyịn oro etiede ibuot ẹyesịn ubọk ke babru oro.

◼ Ẹnọ ikọn̄ S-10 Congregation Analysis Report iba ẹsọk esop kiet kiet. Ẹkpenyene ndiwet n̄kpọ nyọhọ babru emi ye akwa ntịn̄enyịn ndien ẹnọ akpa ikọn̄ ẹsọk N̄ka okûbịghi akan September 6, 1997, ye ibatutom August. Udiana ikọn̄ edi eke usịnn̄wed mbufo.

◼ Ọtọn̄ọde ke August 21 esịm 30, 1997, N̄ka ayadian ibat ofụri n̄wed ẹmi ẹdude ke Igieduma. Ke ntak udian ibat emi, owo idinọhọ mme n̄wed oro esop ẹtobode ọwọrọ m̀mê ndidi se ẹmende ke mme usen ẹmi.

◼ Ẹmenam ukpụhọde ẹtienede mi ke “Mme Obio Mbono District eke 1997” oro okodude ke esịne-esịt Utom Obio Ubọn̄ Nnyịn eke May 1997. Mbọk esenyịn oro etiede ibuot ke esop ekededi emi ẹnamde ukpụhọde ke obio m̀mê usen mbono mmọ ekpenyene ndidiomi ete ẹnọ ntọt ke Esoputom oro etienede ke ẹma ẹkebọ nsiondi Utom Obio Ubọn̄ Nnyịn emi.

November 7-9, 1997

IGWURUTA ALI 1 (Khana) RV-4B

December 5-7, 1997

OTA 7 (Ikọmbakara, Usem Idiọn̄ọ Mbon America) Mme esop WE-18 ọtọn̄ọde ke A tutu esịm D

January 9-11, 1998

OTA 9 (Ikọmbakara) Mme esop WE-18 ọtọn̄ọde ke E tutu esịm Z

January 16-18, 1998

IGWURUTA ALI 8 (Gokana) RV-4A