Mme Ntọt

◼ Mme n̄wed ẹnọde ke June esịm September: Ikọmbakara—San̄asan̄a edinọ otu n̄wed iba ke ₦40 ye inan̄ ke ₦80 emi ẹketobode ẹto n̄kọk itieutom nte ẹkewụtde ke leta nnyịn eke March 23, 1998. N̄ko, ẹkeme ndinọ ekededi ke otu n̄wed oro ẹnyenede page 192 ke usem ekededi oro esop ekemede ndinyene ke san̄asan̄a etịbe edide ₦20 ke ẹsiode Ifiọk Oro Adade Osịm Nsinsi Uwem, Ukpọhọde Inemesịt Ubon, Ñwed-item Ufök-ñwed Utom Ukara Abasi, ye Ẹtịm Man Inam Utom Nnyịn Ima, ẹfep. Ẹkeme ndisịn eben̄e isọn kaban̄a mmọ ẹmi nte ẹkewụtde ke leta nnyịn.

◼ Esenyịn oro etiede ibuot m̀mê owo oro enye emekde ekpenyene ndidụn̄ọde ibatokụk esop ke June 1 m̀mê usọp usọp nte ekekeme ke oro ebede. Tọt esop ke ẹma ẹkenam emi.

◼ Ke Utom Obio Ubọn̄ Nnyịn eke August 1991 ke “Udian Ndọ Christian, Ikpehe VIb—Utịn̄ikọ Udian Ndọ,” ẹma ẹtịn̄ se itienede mi ke ikpehe ekikere 2: “Nte ededi, edi ebe ye n̄wan kpọt ẹkpenyene ndidada ke iso asan̄autom oro ke ini ẹdade un̄wọn̄ọ oro. (Enyọn̄-Ukpeme, October 15, 1984, p. 10)” Ibuotikọ Enyọn̄-Ukpeme emi esịne ndise ebe ye n̄wan kpọt ẹdade ke iso asan̄autom oro, edi owo iketịn̄ke n̄kpọ ndomokiet ke ibuotikọ oro iban̄a m̀mê mmọ kpọt ẹkpenyene ndidada ke ini ẹdade un̄wọn̄ọ. Nte ededi, ke page 2 ke n̄wed utịn̄ikọ “Ndọ Oro Enyenede Ukpono ke Enyịn Abasi,” ke idak “Se Ẹmekde: Edinam Ndọ Mbemiso Mme Un̄wọn̄ọ,” ẹtịn̄ ẹte “n̄wanndọ, ebendọ, ye ufan ebendọ ye ufan an̄wanndọ (legal witnesses) ẹda ke iso adianndọ (minister).” Nte ido edide mme ntiense oro ibet enyịmede ẹdi ufan an̄wanndọ ye ufan ebendọ. Ntem odot owo iba ẹmi n̄ko ndidada ke iso asan̄autom ke ini ẹdade mme un̄wọn̄ọ. Mbon oro ẹnọde utịn̄ikọ udian ndọ ẹkpenyene nditi ndidụri ntịn̄enyịn mme ọdọ ndọ n̄wụt ntọt emi.