Mme Esoputom Eke September
Urua Ọtọn̄ọde September 7
Ikwọ 28
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Dụn̄ọde ekebe oro “Ekikere Ẹnọde.”
Min. 15: “Nnyịn Imekeme Ndinam Utom eke Okponde Akan.” Mbụme ye ibọrọ. Sịn udọn̄ nọ kpukpru owo ẹnịm mme utịtmbuba oro ẹwụtde eti ibuot ẹnọ obufa isua utom ẹnyụn̄ ẹnam utom ọkpọsọn̄ ndisịm mmọ.—Se Utom Nnyịn, page 116-118.
Min. 20: “Mme Asiakusụn̄ Ẹn̄wam Mbon En̄wen.” Ebiowo anam an̄wan̄a nte ke adianade ye ukpep oro ẹnọde ke Ufọkn̄wed Utom Ukara Abasi, ẹnam ndutịm ẹnọ mme asiakusụn̄ ndinọ mbon en̄wen un̄wam ọkpọkpọ ke utom ukwọrọikọ. Enye edemede mme mbụme oro ẹkọn̄ọde ke ibuotikọ oro onyụn̄ oyom ibọrọ oto otuowo, akpan akpan mme asiakusụn̄ ye mme asuanetop oro ẹbuanade ke ndutịm emi. Kere ban̄a nte ẹkpenyenede mfọnn̄kan utịp ẹto enye. Mme asiakusụn̄ ẹkeme ndibụk nte mmọ ẹdarade ẹnyụn̄ ẹbọde ufọn ẹto edibuana ke ndin̄wam mbon en̄wen. Mme asuanetop ẹmi ẹma ẹkebọ un̄wam ẹkeme nditịn̄ nte mmọ ẹwụtde esịtekọm ẹban̄a ima ima ndutịm emi ẹnyụn̄ ẹsiak mme akpan n̄kpọ oro ẹn̄wamde mmọ ẹtịm ẹkụt unen ye idatesịt ke utom ukwọrọikọ.
Ikwọ 172 ye akam ediberi.
Urua Ọtọn̄ọde September 14
Ikwọ 160
Min. 10: Mme ntọt n̄kann̄kụk. Mbụk Ukara Abasi
Min. 15: Nso ke Abasi Oyom Oto Nnyịn? Utịn̄ikọ. Nnyịn iyọtọn̄ọ ndikpep ediye uduot ekpri n̄wed emi ke ukpepn̄kpọ n̄wed urua efen. Sịn udọn̄ nọ kpukpru owo ẹtịm idem ke mbemiso ẹnyụn̄ ẹdụk kpukpru ukpepn̄kpọ man ẹmehe ye ediye uduot ekpri n̄wed emi ẹnyụn̄ ẹkpep nte ẹdidade enye ẹkpep n̄kpọ ye mbon en̄wen. Kot ikpehe ekikere oro ke idak “Nte Ẹkamade Ediye Uduot Ekpri N̄wed Emi.” Da mme n̄kpọ ẹtode Enyọn̄-Ukpeme eke January 15, 1997, page 16-17, ndidori nsọn̄uyo ke nte edide akpan n̄kpọ ndida mme mbụme, mme itien̄wed Abasi, ye mme ndise oro ẹdude ke ediye uduot ekpri n̄wed emi n̄kpep n̄kpọ. Mme ada ukpepn̄kpọ n̄wed ẹkpenyene ndinịm eti uwụtn̄kpọ nnọ mbon oro ẹnịmde mme ukpepn̄kpọ Bible, ebe ke nditre nditịn̄ ikọ awak akaha inyụn̄ idaha mme ọyọhọ ntọt efen efen idisịn.—Se Utom Obio Ubọn̄ Nnyịn, June 1996, page 3, ikpehe ekikere 5.
Min. 20: “Mbono District ‘Usụn̄ Uwem Abasi’ eke 1998.” (Ikpehe ekikere 1-16) Mbụme ye ibọrọ. Kot ikpehe ekikere 10 ye 11. Sọn̄ọ tịn̄ nte N̄wed Abasi owụtde ke edi akpan n̄kpọ nditịn̄ enyịn mmụm eti ukamaidem ye ido Christian nnyịn n̄kama ye ndise nditọ nnyịn enyịn nte enende.
Ikwọ 48 ye akam ediberi.
Urua Ọtọn̄ọde September 21
Ikwọ 122
Min. 10: Mme ntọt n̄kann̄kụk. Ntọt ibatokụk.
Min. 20: “Mbono District ‘Usụn̄ Uwem Abasi’ eke 1998.” (Ikpehe ekikere 17-22) Mbụme ye ibọrọ. Kot ikpehe ekikere 17 ye itien̄wed Abasi oro ẹsiakde ẹsịn. Sọn̄ọ tịn̄ ban̄a ufọn edinam n̄kpọ ke nde ke nde ye edikere mban̄a mbon efen, akpan akpan kaban̄a n̄kpọitie. Beri ye ibio ibio utịn̄ikọ oro odụn̄ọrede “Mme N̄kpọ Editi Mbono District.”
Min. 15: “Diọn̄ọ Nditọete Fo.” Mbụme ye ibọrọ. Sịn se ẹtịn̄de ke Enyọn̄-Ukpeme eke October 1, 1988, page 10-11. Sịn udọn̄ nọ kpukpru owo nditịm mmehe ye kiet eken.
Ikwọ 34 ye akam ediberi.
Urua Ọtọn̄ọde September 28
Ikwọ 17
Min. 12: Mme ntọt n̄kann̄kụk. Ti kpukpru owo ẹte ẹtọt ibatutom an̄wautom September. Sịn udọn̄ nọ kpukpru owo ẹnam ndutịm ndibuana ke utom eke ufọk ke ufọk ke October man ẹkọri edisuan magazine. Ka bịne Utom Obio Ubọn̄ Nnyịn eke October 1996, page 8, kaban̄a ekikere oro ẹnọde ke nte ẹkpetịmde idem ẹnọ mme nneme. Nam wụt nte ẹkpenọde mme magazine ndondo emi. Bọ mme magazine ndida nnam utom ke utịturua emi.
Min. 20: “Mme Esenyịn Oro Ẹdade Usụn̄—Esenyịn Utom.” Utịn̄ikọ emi esenyịn utom ọnọde. Ke ama okodụn̄ọrede utom esie, enye anam an̄wan̄a mme akpan usụn̄ oro esop ekemede ndidiana kiet man ọkọri udomo ye uforo utom ke n̄kann̄kụk.
Min. 13: Nso ke Ẹyom Man Ẹdi Eti Asuanetop Esop? Utịn̄ikọ, ye ebuana otuowo. Iyomke ẹnyene akwa m̀mê ndammana ukeme; utu ke oro, ẹnen̄ede ẹyom ẹte kpukpru nnyịn inyene edu oro owụtde ima, nsụhọdeidem, ifịk, ye esịtekọm. Dọhọ otuowo ẹtịn̄ ntak emi ẹyomde se itienede mi: (1) idara idara edu, (2) edidụk ye edibuana ke mme mbono esop kpukpru ini, (3) edinyịme ndibọ nnyụn̄ nnam se ẹnọde ẹnam, (4) edidianakiet ye mbiowo ye mme ndutịm oro ẹnamde ẹnọ esop, (5) udọn̄ esịt akpanikọ ke ndin̄wam mbon en̄wen, ye (6) edibuana kpukpru ini ke utom an̄wautom ye editọt ibatutom ye unana ubiatini kpukpru ọfiọn̄.
Ikwọ 25 ye akam ediberi.