Mme Ntọt
◼ Mme n̄wed ẹnọde ke February: Ukpọhọde Inemesịt Ubon ke ₦55; (mmemmem ikpaedem, ₦50). Se ẹnọde ke ukpụhọ: Akani n̄wed ekededi oro enyenede page 192 oro ẹnyenede ke etịbe oro ẹsinọde. March: Ifiọk Oro Adade Osịm Nsinsi Uwem. Se ẹnọde ke ukpụhọ: N̄wed efen ekededi oro enyenede page 192 ke etịbe oro ẹsinọde. Ẹyesịn san̄asan̄a ukeme nditọn̄ọ mme ukpepn̄kpọ Bible. April ye May: Kpukpru usem—Editobo Enyọn̄-Ukpeme ye Awake! Kama ediye uduot ekpri n̄wed Oyom kaban̄a mbon oro ẹnyenede udọn̄, nyụn̄ domo nditọn̄ọ mme ukpepn̄kpọ Bible.
◼ Ọtọn̄ọde ke March 22, 1999, ẹdikpep n̄wed Akakan Owo Oro Akanam Odude Uwem ke Ukpepn̄kpọ N̄wed Esop. Nsiondi Utom Obio Ubọn̄ Nnyịn emi esịne ọyọhọ ndutịm ukpepn̄kpọ. Afo emekeme ndision̄o enye nsịn ke esịt n̄wed fo man ekeme ndisọp nse. Ẹnam ndausụn̄ kaban̄a nte ẹdikpepde ntọn̄ọikọ n̄wed oro an̄wan̄a ke ikpehe ekikere 5 ke “Ndikpep Akakan Owo Oro Akanam Odude Uwem” ke page 2 eke Utom Obio Ubọn̄ Nnyịn eke December 1992.
◼ Ewetn̄wed ye esenyịn utom ẹkpenyene ndidụn̄ọde utom kpukpru asiakusụn̄ ofụri ini. Edieke owo ekededi enyenede mfịna ndisịm ibat hour oro ẹyomde, mbiowo ẹkpenyene ndinam ndutịm man ẹnọ un̄wam. Kaban̄a mme ekikere, ẹdụn̄ọde mme leta S-201 N̄ka eke isua ke isua oro usenọfiọn̄ edide October 1. Ẹse n̄ko ikpehe ekikere 12-20 ke esịne-esịt Utom Obio Ubọn̄ Nnyịn eke September 1986.
◼ Idahaemi nnyịn imenyene nsiondi CD-ROM eke 1997, Watchtower Library, ke Ikọmbakara. Ekọmurua edi ₦860. Mbon oro ẹnyenede udọn̄ ẹkeme ndinọ mme editobo ẹdi ebe ke esop. Mbọk tịm fiọk ete ke ẹnam enye akpan akpan ẹnọ mme asuanetop ndida nnam n̄kpọ idịghe mbon an̄wa.
◼ Mme esop ẹkpenyene ndinam ndutịm ndinịm Editi isua emi ke Thursday, April 1, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹdụn̄ọde ke n̄kann̄kụk man ẹbiere ini utịn esisụhọrede ke edem mbufo. Okposụkedi esop kiet kiet akpamade ndinịm usọrọ Editi esie, emi ekeme ndidi ididịghe mmemmem n̄kpọ kpukpru ini. Ke ebiet emi ediwak esop ẹsidade ukem Ufọkmbono Obio Ubọn̄ ẹnam n̄kpọ, ndusụk esop kiet m̀mê awakde akan oro ẹkeme ndibọ itie efen ndida nnam n̄kpọ ke mbubịteyo oro. Ke ebiet ẹkemede, nnyịn ikpọnọ ekikere ite ẹnọ ke nsụhọde n̄kaha minit 40 mbemiso ndutịm efen ọtọn̄ọde man ini odu ndikọm isenowo, ẹsịn udọn̄ ẹnọ mbufa owo oro ẹnyenede udọn̄, ẹnyụn̄ ẹbọ ufọn ọyọhọ ọyọhọ ẹto edinam oro. Ẹkpenyene ndikere n̄ko mban̄a mme mfịna n̄kpọisan̄ ke usụn̄ ye itie ubon moto, esịnede edisụk ye edimen mme akaisan̄. Otu mbiowo ẹkpenyene ndibiere m̀mê ndutịm ewe edifọn ikan ke n̄kann̄kụk.