N̄wam Mbon Efen Ẹbọ Ufọn Ẹto Ediye Uduot Ekpri N̄wed Nso Itịbe inọ Nnyịn ke Ini Nnyịn Ikpade?
Ẹma ẹkpep ediye uduot ekpri n̄wed Nso Itịbe inọ Nnyịn ke Ini Nnyịn Ikpade? ke Ukpepn̄kpọ N̄wed Esop ke ndondo emi. Nnyịn imenịm ke akpanikọ ite ke kpukpru owo ẹma ẹbọ ufọn ẹto enye.
Ediye uduot ekpri n̄wed emi ọdọn̄ọ ntọt oro ẹkemede ndinyene ufọn nnọ mbon oro nnyịn isobode ke utom ukwọrọikọ. Enye ayarade ntọn̄ọ ukpepn̄kpọ ukpọn̄ ikpaha ke nsinsi onyụn̄ odụn̄ọde nte ekikere emi akakabarede edi akpan ukpepn̄kpọ ke se ikperede ndidi kpukpru ido ukpono ererimbot. Enye anam an̄wan̄a ke usụn̄ edemerede udọn̄ se Bible etịn̄de aban̄a ukpọn̄, ntak emi nnyịn ikpade, idaha mme akpan̄kpa, idotenyịn odude ọnọ uwem ke n̄kpa ebede, ye ntak oyomde nnyịn idiọn̄ọ akpanikọ aban̄ade mme n̄kpọ ẹmi.
N̄kpọ nte ndise 40 ẹdu, ọkọrọ ye mme edikot nto oro ẹdude ke ntọn̄ọ ikpehe kiet kiet, ẹmi ẹkemede ndida ndemede udọn̄ mme owo. Ẹkeme ndiwụt akpatre ikpehe ke ini ẹdọhọde ke iyesidi idinịm ukpepn̄kpọ Bible. Ediwak owo ẹma ẹkụt unen ke ndikama ediye uduot ekpri n̄wed emi ke utom ukwọrọikọ. Nnyịn isịn udọn̄ inọ kpukpru owo ndikama enye ke kpukpru ifet.