Mme Ekikere Ẹban̄ade Vidio Oro The Bible—Its Power in Your Life
Ke ndibọrọ mme mbụme oro ẹtienede mi, tịn̄ mme ekikere ofụri esịt fo ban̄a etop oro odude ke vidio emi. (1a) Nso inam ediwak miliọn owo ẹkeme ndikpụhọde uwem mmọ nnam ọfọn? (Heb. 4:12) (1b) Nso ke ẹyom man ẹnyene ukeme emi ẹnyụn̄ ẹda enye ẹsịn ke edinam ke uwem? (2) Mme itien̄wed Bible ewe ke ẹkesiak ẹsịn ndin̄wam mme nsan̄a ndọ (a) ndifori nneme mmọ ye (b) ndikara iyatesịt mmọ? (3) Didie ke ekikere Christian kaban̄a ndọ okpụhọde uwem ubon anam ọfọn? (Eph. 5:28, 29) (4) Didie ke Jehovah Abasi ekenịm mfọnmma uwụtn̄kpọ ke ndinọ nditọ n̄kpọ ita oro mmọ ẹmade ẹnyụn̄ ẹyomde, ndien didie ke mme ete ye eka ẹkeme ndinam ntre mfịn? (Mark 1:9-11) (5) Ntak emi mme ete ye eka ke idemmọ ẹkpenyenede ndikpep nditọ mmọ Bible, ndien nso iwụt ufọn ndinam ntre kpukpru ini? (Deut. 6:6, 7) (6) Didie ke mme ete ye eka ẹkeme ndinam ukpepn̄kpọ ubon enyene inem? (7) Ke ẹsiode ukpepn̄kpọ Bible ẹfep, nso efen ke Ikọ Abasi esịn udọn̄ ọnọ mme ete ye eka ndinọ nditọ mmọ? (8) Didie ke item Bible ekeme ndin̄wam mme ubon ndika iso ndu uwem ke n̄kan̄ ndutịm uforo? (9) Mme edumbet N̄wed Abasi ewe ẹn̄wam ndisụhọde mme mfịna unana nsọn̄idem ke ini ẹdade ẹsịn ke edinam? (10) Didie ke mme edumbet ẹdude ke Ikọ Abasi ẹkpụhọde uwem fo? (11) Ntak emi edise vidio emi ekemede ndisịn udọn̄ nnọ owo emi afo akade ebịne ke utom ukwọrọikọ ndinyịme ukpepn̄kpọ Bible?