Afo Adia Udia eke Spirit Ọfọn Adan̄a Didie?
1 Ẹsidọhọ ẹte ‘ke adia nti n̄kpọ ẹdiọn̄ọ ke idem.’ Ke akpanikọ, edu udia udia nnyịn otụk odudu ye nsọn̄idem ikpọkidem nnyịn. Sia Jesus ọkọdọhọde ete: “Idịghe uyo ikpọn̄ ke owo edida idu uwem, edi edida kpukpru ikọ eke ẹwọrọde Abasi ke inua odu,” kpasụk ntre edu udia udia eke spirit nnyịn otụk nnyịn ke eti usụn̄ m̀mê ke idiọk usụn̄. (Matt. 4:4) Ntre, ndien, afo adia udia eke spirit ọfọn adan̄a didie? Nte afo edi owo emi esisatde-sat udia? Nte afo esidia udia itọk itọk? Mîdịghe nte afo emesikop inemesịt ndida ini ndia udia eke spirit ofụri ini oro ọfọnde onyụn̄ ọnọde nsọn̄idem?
2 Dụn̄ọde Udia Fo: Jehovah ada “asan̄autom emi anamde akpanikọ, onyụn̄ enyenede ọniọn̄” ọnọ “udia ke edikem ini” ye “n̄kpọ eke ẹnyenede isek.” (Matt. 24:45; Isa. 25:6) Man ibọ ọyọhọ ufọn ito ima ima ndutịm emi, ana nnyịn ika iso isịn ukeme ndidia udia eke spirit ọfọn.
3 Afo emekeme ndibụp idemfo ete: ‘Nte ami mmesikot itien̄wed eke usen ke usen ye udọn̄ikọ kpukpru usen? Nte ami mmesikot Bible kpukpru usen nnyụn̄ ntie n̄kere? Nte ami mmesitịm idem nnọ mme mbono esop ebe ke ndibem iso n̄kpep se ẹdinemede? Nte mmokot mme n̄wed nnyịn eke ndondo emi esịnede Ntịn̄nnịm Ikọ Isaiah—Un̄wana ofụri Ubonowo Eboho 1?’
4 Jesus ama ọn̄wọn̄ọ ete: “Ọfọfọn ọnọ mmọ eke ẹbuenede ke spirit . . . Ọfọfọn ọnọ mmọ eke ẹkopde biọn̄ ye nsat-itọn̄ edinen ido: koro mmọ ẹyeyụhọ.” (Matthew 5:3, 6) Ntem dia udia ke n̄kan̄ eke spirit ọfọn ebe ke ndida ifiọk Abasi nyọhọ esịt ye ekikere fo.