Mme Ntọt
◼ Mme n̄wed ẹnọde ke January: N̄wed ekededi oro enyenede page 192 oro ẹkemịn̄de mbemiso 1987 oro esop enyenede ke itie unịm n̄wed. February: Ediyarade—Ubọn̄ Ubọn̄ Ata-Utịt Esie Emekpere!, m̀mê akani n̄wed ekededi oro enyenede page 192 oro esop enyenede ke itie unịm n̄wed. March: Ifiọk Oro Adade Osịm Nsinsi Uwem. Ẹyesịn san̄asan̄a ukeme nditọn̄ọ mme ukpepn̄kpọ Bible. April: Magazine Enyọn̄-Ukpeme ye Awake! Nọ ediye uduot ekpri n̄wed Oyom, ye ekikere editọn̄ọ mme ukpepn̄kpọ Bible.
◼ Kpukpru asuanetop oro ẹma ẹkena baptism emi ẹdụkde Esoputom ke urua January 14 ẹkeme ndibọ kad Advance Medical Directive/Release ẹnyụn̄ ẹbọ Identity Card ẹnọ nditọ mmọ.
◼ N̄ka enen̄ede oyom nta ke usọ utọ nte mme ọdiọn̄ ukwakutom, mme ewet ndutịm kọmputa, mme ọdiọn̄ ilektrọnik, mme ewet mbuwed ufọk, nta mme ọbọp n̄kpọ, mme odomo isọn̄, ye nta mme ọbọpufọk usọp usọp. Kpukpru mmọ ẹkpenyene ndinyene n̄weditoro ufọkn̄wed ntaifiọk m̀mê n̄kpọ ntre. Nta ke usọ efen emi ẹyomde ẹdi mme awat-ubomisọn̄, mme ọdiọn̄ masịn, ye mme emịn̄ n̄wed. Owo ekededi oro ekerede ke imọ imodot onyụn̄ enyenede udọn̄ ndinam utom ke Bethel ekpenyene ndiwet nsian N̄ka nnyụn̄ mbọ n̄wed eben̄e, ibọhọke enye ama ọbọbọ utọ n̄wed eben̄e oro ndondo emi ke mbono district. Mme esịn n̄wed eben̄e ẹkpenyene ndidi mbon emi mîdọhọ ndọ, m̀mê mbon emi ẹdọde ndọ edi mînyeneke nditọ, ẹkpenyụn̄ ẹnyene ndidu ke idaha ndiyere ikot ndidi Bethel.
◼ Ọtọn̄ọde ke February, ndien ke mîbịghike ikan March 3, obufa utịn̄ikọ an̄wa mme esenyịn circuit edidi “Ndikụt Ifụre ke Idiọk Ererimbot.”
◼ Mme esop ẹkpenyene ndinam mme ndutịm oro ẹdotde ndinịm Editi eke isua emi ke Thursday, March 28, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹnam ndụn̄ọde ke n̄kann̄kụk man ẹfiọk ini emi utịn esisụhọrede ke n̄kan̄ mbufo. Okposụkedi esop kiet kiet akpamade ndinịm usọrọ Editi esie, emi ekeme nditre ndidi mmemmem ndinam kpukpru ini. Ke ebiet emi ediwak esop ẹsidade Ufọkmbono Obio Ubọn̄ ẹnam n̄kpọ, ekeme ndidi esop kiet m̀mê awakde akan oro ekeme ndibọ itie efen ndida nnam n̄kpọ ke mbubịteyo oro. Ke ebiet ẹkemede, nnyịn inọ ekikere ite ẹyak minit 40 ke nsụhọde n̄kaha ebe mbemiso ẹtọn̄ọde edinam en̄wen man kpukpru owo ẹkeme ndibọ ufọn ọyọhọ ọyọhọ nto edinam oro, ayakde ini odu ndikọm isenowo nnyụn̄ nsịn udọn̄ nnọ mbufa mbon oro ẹnyenede udọn̄. Ẹkpenyene ndikere mban̄a nte n̄kpọisan̄ ẹwakde ke usụn̄ ye itie ubon ubomisọn̄, esịnede edisụk ye edimen mme akaisan̄. Otu mbiowo ekpenyene ndibiere mme ndutịm oro ẹdifọnde ikan ke n̄kann̄kụk.
◼ Ẹma ẹnọ n̄wed ikot Editi eke 2002 ẹsọk kpukpru esop. Mme esop oro mîbọhọ eke mmọ mbemiso utịt January ẹkpenyene ndisịn n̄wed eben̄e nyom enye, ẹnọ ẹsọk: Shipping Office.
◼ Mbọk ẹtịm ẹfiọk ẹte ke Editi eke isua 2003 edidi ke Wednesday, April 16, ke utịn ama okosụhọde. Ẹnọ mbemiso ntọt emi man nditọete ẹkeme ndinam ndutịm oro odotde ndimụm m̀mê ndibọ mme ufọkmbono emi ẹdude nnịm ke ini ediwak esop ẹdade Ufọkmbono Obio Ubọn̄ ẹnam n̄kpọ ndien anade mmọ ẹyom mme ufọk efen. Mbiowo ẹkpenyene ndinam ediomi ye mme akamautom man ẹkụt ẹte ke mme edinam efen ke ufọk oro ididaha ndutịme idi man Editi ekeme ndika iso emem emem ye ke ido nte eyede. Ke ntak nte usọrọ emi edide akpan n̄kpọ, ke ndimek ọnọ utịn̄ikọ Editi, otu mbiowo ekpenyene ndimek kiet ke otu mbiowo emi etịmde odot utu ke n̄kukụre ndinọ owo kiet kiet ufan̄ m̀mê ndinam eyenete kiet ọnọ kpukpru isua. Edieke ebiowo oro ẹyetde aran emi enyenede ukeme odude, ẹkpenyene ndimek enye ndinọ utịn̄ikọ oro.