Edifiak-ndụn̄ọde Eke Ufọkn̄wed Utom Ukara Abasi

Edifiak-ndụn̄ọde ẹkịbide-kịbi n̄wed, esịnede se ẹkenọde ẹnam ke Ufọkn̄wed Utom Ukara Abasi ke mme urua May 6 esịm August 19, 2002. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-ndụn̄ọde emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ kiet kiet oro ẹtienede mi ẹdi Akpanikọ m̀mê Nsu:

1. Jeremiah 18:1-6 owụt nte ke Jehovah esinam mme owo ẹnam mme n̄kpọ oro ẹtuahade ye uduak mmọ. [Edikot Bible eke urua ke urua; se w99 4/1 p. 22 ikp. eki. 3-4.]

2. Mme nsunsu prọfet ẹkeyịp ukeme ye mme utịp oro ẹkpenyenede ẹto ikọ Abasi ebe ke ndisịn udọn̄ nnọ mme owo ndikpan̄ utọn̄ nnọ nsu utu ke ntọt akpanikọ emi otode Abasi. (Jer. 23:30) [Edikot Bible eke urua ke urua; se w92 2/1 p. 4 ikp. eki. 3.]

3. Ke Jeremiah 25:15, 16, “cup wine ifụtesịt” oro anamde “kpukpru mme idụt . . . ẹdama idat” ada aban̄a ndisịme utịp nsunsu ido ukpono. [Edikot Bible eke urua ke urua; se w94 3/1 p. 20 ikp. eki. 13.]

4. Nte ekemde ye usụn̄ oro Matthew eketịn̄de aban̄a ntịn̄nnịm ikọ Jeremiah, “isọn̄ mme asua” ada aban̄a isọn̄ mme akpan̄kpa, emi n̄kpri nditọ oro Akwa Herod okowotde ẹdifiakde ẹdidu ebe ke ediset ke n̄kpa. (Jer. 31:15, 16; Matt. 2:17, 18) [Edikot Bible eke urua ke urua; se w79-E 6/15 p. 19 ikp. eki. 13.]

5. Jeremiah 37:21 ọnọ nsọn̄ọ nte ke Jehovah ekeme ndibọk mme anam-akpanikọ asan̄autom esie ke mme ini nsọn̄ọn̄kpọ tutu esịm utịt editịm n̄kpọ emi, idem ke ini idaha etiede nte idotenyịn idụhe. [Edikot Bible eke urua ke urua; se w97 9/15 p. 3 ikp. eki. 4-p. 4 ikp. eki. 2.]

6. N̄wed Eseme ọsọn̄ọ ọnọ nnyịn nte ke Jehovah ikpọn̄ ọnọ ata idotenyịn ke ufọt ini mfụhọ. [w88 9/1 p. 27 ikp. eki. 5]

7. N̄wed Eseme 5:7 owụt in̄wan̄-in̄wan̄ nte ke Jehovah esinen̄ede ọnọ nditọwọn̄ ufen ke ntak idiọkn̄kpọ mme ete ye eka mmọ. [Edikot Bible eke urua ke urua; se w88 9/1 p. 27 ekebe.]

8. Idiọn̄ọ ke ọkpọiso oro ẹtịn̄de ẹban̄a ke Ezekiel 9:4 ọwọrọ nte ke ifiọk ikpọn̄ edinyan̄a owo. [Edikot Bible eke urua ke urua; se w88 9/15 p. 14 ikp. eki. 18.]

9. Mme “enọ ke owo” emi ẹtịn̄de ẹban̄a ke Ephesus 4:8 (NW), ẹdi mbiowo Christian, oro ẹmekde ke edisana spirit ẹnyụn̄ ẹnọde odudu ndise mban̄a mme udọn̄ n̄kpọ spirit ekemmọ mme andinịm ke akpanikọ. (Utom 20:28) [w00 8/1 p. 6 ikp. eki. 3]

10. Kaban̄a se Ezekiel ibuot 23 ọwọrọde ke eyomfịn, ẹkeme ndida Ido Ukpono Protestant ndomo ye Oholibah ẹnyụn̄ ẹda Ido Ukpono Roman Catholic ẹdomo ye Oholah adiahaeka esie. [Edikot Bible eke urua ke urua; se w88 9/15 p. 21 ikp. eki. 22.]

Bọrọ mme mbụme oro ẹtienede mi:

11. Mmanie ẹnam n̄kpọ nte “owo-ukpeme” mfịn, ndien ntak emi ẹkpekpan̄de utọn̄ ke ini “owo-ukpeme” etịn̄de ikọ? [w88 9/15 p. 10, 12 ikp. eki. 1, 8]

12. Didie ke ẹwụt ata esịtekọm kaban̄a uwa ufak Christ ke ndiyere ikot oro odude ke Luke 9:23? [w00 3/15 p. 8 ikp. eki. 1]

13. Ke nso usụn̄ ke Jehovah “akatap” Jeremiah? (Jer. 20:7) [Edikot Bible eke urua ke urua; se w89 5/1 p. 31 ikp. eki. 6.]

14. Nso ke ikọ Jesus ọkọwọrọ ke ini enye ọkọdọhọde ke edisana spirit “eyekpep mbufo kpukpru n̄kpọ, onyụn̄ anam mbufo ẹti kpukpru se Ami n̄ketịn̄de nnọ mbufo”? (John 14:26) [w00 4/1 p. 8 ikp. eki. 7-8]

15. Nte Jeremiah 35:18, 19 ọdọhọde, nso idotenyịn idu inọ otu Rechabite eke eyomfịn? [Edikot Bible eke urua ke urua; se su p. 131 ikp. eki. 7.]

16. Ke nso usụn̄ ke mme Nephilim ẹkedi “ata n̄kpọsọn̄ owo uko” ye “mbon etop”? (Gen. 6:4) [w00 4/15 p. 28 ikp. eki. 1]

17. Didie ke Baruch okokpu ndida ukem ukem ke n̄kan̄ eke spirit, ndien nso ukpepn̄kpọ ke nnyịn ikeme ndikpep nto ifiọk n̄kpọntịbe esie? (Jer. 45:1-5) [Edikot Bible eke urua ke urua; se w97 8/15 p. 21 ikp. eki. 14-16.]

18. Ini ewe n̄ko didie ke ntịn̄nnịm ikọ Jeremiah 50:38 okosu? [Edikot Bible eke urua ke urua; se dp p. 150 ikp. eki. 2-3.]

19. Nte Eseme 1:15 ọdọhọde, se iketịbede inọ Jerusalem, kpa “adiaha Judah,” owụt nso aban̄a Christendom? [Edikot Bible eke urua ke urua; se w88 9/1 p. 27 ekebe.]

20. Nte ẹwetde ke Ezekiel 21:26, nso ke ikọ oro “Ẹmesio mitre ẹfep, ẹnyụn̄ ẹyarade anyanya” ọwọrọ? [Edikot Bible eke urua ke urua; se w88 9/15 p. 19 ikp. eki. 16.]

Dọn̄ (mme) ikọ m̀mê ubak udịmikọ oro ẹyomde man ẹyọhọ mme utịn̄ikọ kiet kiet oro ẹtienede mi:

21. Owo nsụkidem anam n̄kpọ etre ke __________________________ eti __________________________ onyụn̄ ọdiọn̄ọ ete ke __________________________ odu ke se enye ekpenyenede ndinam onyụn̄ ekemede ndinam. (Mic. 6:8) [w00 3/15 p. 21 ikp. eki. 1-2]

22. Okposụkedi edisana spirit mîdimenke __________________________ m̀mê __________________________ ifep, enye ekeme ndin̄wam nnyịn __________________________ mmọ. (1 Cor. 10:13; 2 Cor. 4:7) [w00 4/1 p. 11 ikp. eki. 6]

23. Toto ke __________________________ oro ẹkefiakde ẹkop odudu ke n̄kan̄ eke spirit, __________________________ ye unana ndịk ẹma ẹtịn̄ mme ubiereikpe Abasi, kpa ọkpọsọn̄ etop nsobo ẹnọ __________________________. (Men Jeremiah 11:9-13 domo.) [w88 4/1 p. 22 ikp. eki. 7]

24. __________________________ emi ekedide prọfet ye ntiense Jehovah okokụre ediwet n̄wed Eseme ke isua __________________________. [w88 9/1 p. 26 ikp. eki. 1]

25. Uwụtn̄kpọ Abraham ndiyịme nnọ ke ini ebierede utọk edi n̄kpọ nsịnudọn̄ ọnọ nnyịn nditre ndiyak __________________________ m̀mê __________________________ abiat ọsọn̄urua itie ebuana nnyịn ye nditọete nnyịn. (Gen. 13:5-12) [w00 8/15 p. 24 ikp. eki. 3-4]

Mek nnennen ibọrọ ke mme utịn̄ikọ kiet kiet oro ẹtienede mi:

26. Job ama ada (ifiọk; mbọm; ubiereikpe) Jehovah ke akpan n̄kpọ onyụn̄ anam n̄kpọ ntre (ke ọniọn̄; ke mbọm; ke edinen ido) ye ifịn esie. (Job 31:13, 14) [w00 3/15 p. 26 ikp. eki. 1]

27. Ke Jeremiah 16:2-4, ẹkewụk prọfet emi ẹte okûdọ n̄wan (man owụt edu n̄waidem esie; man ada aban̄a uwem unana ndọ oro Messiah okodude; man ọsọn̄ọ nte ke ikọ Jehovah aban̄ade nsobo Jerusalem edi akpanikọ). [Edikot Bible eke urua ke urua; se w78-E 4/15 p. 31 ikp. eki. 2.]

28. Ke Mme N̄ke 4:7, eti ibuot ọwọrọ (ndimehe ye mme akpanikọ; ndikụt nte mme n̄kpọ ẹnyenede ebuana ye kiet eken; ndida ifiọk ye asian nnam n̄kpọ). [w00 5/15 p. 20 ikp. eki. 8]

29. Ikọ oro (“nsek-nditọ,” “ẹyom”) ọnọ ekikere nte ke ediwak owo ke ndammana usụn̄ isikopke biọn̄ iban̄a udia eke spirit. (1 Pet. 2:2) [fy p. 58 ikp. eki. 17]

30. Chariot Abasi oro ẹtịn̄de ẹban̄a ke Ezekiel ibuot 1 ada aban̄a (Obio Ubọn̄ Messiah Abasi; esop Jehovah eke spirit emi mme angel ẹnamde; nneme emi Jehovah enyenede ye nsụhọ). [Edikot Bible eke urua ke urua; se w88 9/15 p. 11 ikp. eki. 5.]

Wet mme itie N̄wed Abasi oro ẹtienede mi ẹkekem ye mme utịn̄ikọ oro ẹwetde mi ke idak:

Jer. 18:18; Deut. 11:18, 19; N̄ke 5:21; Jer. 46:28; Rome 15:4

31. Ke adan̄aemi mme ọkwọrọ ederi ye mbon ukara ẹsịnde ukeme nditre edikwọrọ mme ubiereikpe Abasi, mme anam-akpanikọ ntiense esie ẹka iso ẹsịn ifịk, ẹbierede ndikụre utom unọ ntọt oro. [Edikot Bible eke urua ke urua; se w88 4/1 p. 26 ikp. eki. 19.]

32. Akpan usụn̄ kiet emi Jehovah adade ọnọ ndọn̄esịt edi Ikọ esie oro ẹwetde-wet, emi esịnede utịbe utịbe idotenyịn ini iso. [w00 4/15 p. 5 ikp. eki. 4]

33. Ntụnọ otode ete ye eka ikpenyeneke ndibe adan̄a oro owụtde eti ibuot m̀mê ndibe uduak edinen̄ede ye edinọ ukpep. [Edikot Bible eke urua ke urua; se kl p. 148 ikp. eki. 20.]

34. Ima ima ibuot ufọk ekpenyene ndidu ke edidemede kpukpru ini kaban̄a mme ifet ndinam idaha eke spirit ubon esie ọkọri. [fy p. 70 ikp. eki. 14]

35. Oburobụt ido idan̄ ekededi, inamke n̄kpọ m̀mê edịbe didie, idịbeke ke enyịn Abasi. [w00 7/15 p. 31 ikp. eki. 3]