Mme Ntọt
◼ N̄wed ẹnọde ke January: N̄wed ekededi oro ẹkemịn̄de mbemiso 1988 emi esop enyenede ke itie unịm n̄wed. Edieke mbufo mînyeneke ekededi ke otu emi ke itie unịm n̄wed, mbọk ẹse m̀mê mme esop ekededi oro ẹdude ẹkpere mbufo ẹnyene nyọhọ-nsụhọ n̄kani n̄wed emi mbufo ẹkemede ndinọ ke an̄wautom. February: San̄a Kpere Jehovah. Edieke n̄wed emi mîdụhe, mbufo ẹmekeme ndinọ Ediyarade—Ubọn̄ Ubọn̄ Ata-Utịt Esie Emekpere! nte se ẹnọde ke ukpụhọ. March: Ifiọk Oro Adade Osịm Nsinsi Uwem. Ẹyesịn akpan ukeme nditọn̄ọ mme ukpepn̄kpọ Bible. Edieke edide mme owo ẹma ẹnyenyene n̄wed emi, ẹkeme ndinọ Nọ Ntịn̄enyịn ke Prọfesi Daniel! April: Nọ Enyọn̄-Ukpeme ye Awake! Ke ini ẹfiakde ẹbịne mbon oro ẹkewụtde udọn̄, ẹfiak ẹbịne n̄ko mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop. Ẹwụk ntịn̄enyịn ke ndinịm n̄wed Tuak Ibuot nọ Abasi. Ẹkpenyene ndisịn ofụri ukeme nditọn̄ọ ukpepn̄kpọ Bible, akpan akpan edieke edide ndusụk owo ẹma ẹkpekpep n̄wed Ifiọk ye ediye uduot ekpri n̄wed Oyom.
◼ Ọtọn̄ọde ke urua March 15, 2004, nnyịn idikpep San̄a Kpere Jehovah ke Ukpepn̄kpọ N̄wed Esop.
◼ Ọtọn̄ọde ke February, ndien ke mîbịghike ikan March 2, obufa utịn̄ikọ an̄wa mme esenyịn circuit edidi “Mme Ido Anie Ke Afo Ama?”
◼ Mme esop ẹkpenyene ndinam mme ndutịm oro ẹdotde ndinịm Editi eke isua emi ke Sunday, April 4, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Sia owo mîdinịmke mbono esop efen ke usen oro ke ebede mbono an̄wautom, ẹkpenyene ndinam ndutịm oro odotde man ẹnịm Ukpepn̄kpọ Enyọn̄-Ukpeme ke ini efen. Oyoyom mme esenyịn circuit ẹkpụhọ ndutịm mbono esop mmọ urua oro nte ekemde ye mme idaha n̄kann̄kụk. Okposụkedi esop kiet kiet akpamade ndinịm usọrọ Editi esie, emi ekeme nditre ndidi mmemmem ndinam kpukpru ini. Ke ebiet emi ediwak esop ẹsisopde idem ke Ufọkmbono Obio Ubọn̄ kiet, esop kiet m̀mê awakde akan oro ekeme ndibọ itie efen ndida nnam n̄kpọ ke mbubịteyo oro. Edieke ẹkemede, nnyịn inọ ekikere ite ẹyak minit 40 ke nsụhọde n̄kaha ẹbe mbemiso ẹtọn̄ọde edinam en̄wen man kpukpru owo ẹkeme ndibọ ufọn ọyọhọ ọyọhọ nto edinam oro. Ẹkpenyene ndikere n̄ko mban̄a nte n̄kpọisan̄ ẹwakde ke usụn̄ ye itie ubon ubomisọn̄, esịnede edisụk ye edimen mme akaisan̄. Otu mbiowo ekpenyene ndibiere mme ndutịm oro ẹdifọnde ikan ke n̄kann̄kụk.