Se Ẹkpetịn̄de Ẹban̄a Mme Magazine

Enyọn̄-Ukpeme June 15

“Ndi afo unyịmeke nte ke idịghe mmemmem n̄kpọ ndinọ nditọ ukpep ke ererimbot mfịn? [Bet ibọrọ.] Kop nsọn̄ọ emi ndiwụt nte ke mme ete ye eka ẹkeme ndikụt unen ke ndinam emi. [Kot Mme N̄ke 22:6.] Nsiondi Enyọn̄-Ukpeme emi ọnọ nti item ndin̄wam mme ete ye eka ẹkan n̄kpọ-ata emi.”

Awake! June 22

“Ndusụk owo ẹkere ke ifiọk ntaifiọk inyịmeke nte ke Abasi odu. Edi ndi afo ama ọfiọk ke ndusụk ntaifiọk ẹdu emi ẹdọhọde ke ifiọk ntaifiọk ke idemesie ọsọn̄ọ nte ke Andibot odu? [Bet ibọrọ.] Nsiondi Awake! emi eneme ndusụk uyarade oro anamde mmọ ẹsịm ubiere oro.” Kot Rome 1:20.

Enyọn̄-Ukpeme July 1

“Ke ini mme n̄kpọ-mmọn̄eyet ẹtịbede, ediwak owo ẹsiyịk m̀mê Abasi enen̄ede ekere aban̄a mme owo, onyụn̄ okụt ndutụhọ mmọ. Ndi akanam afo emekere aban̄a emi? [Bet ibọrọ.] Magazine emi eneme nte Abasi ekerede aban̄a nnyịn mfịn ye nte enye anamde ndutịm ndisio kpukpru ndutụhọ mfep.” Kot John 3:16.

Awake! July 8

“Mme isua uyen ẹdi ini inemesịt ye n̄kpọ-ata ọnọ ediwak owo, nte afo ukereke ntre? [Bet ibọrọ.] Magazine emi eneme mme ukpụhọde oro mme uyen ẹsikụtde. Enye eneme n̄ko ndusụk ọniọn̄ ọniọn̄ item emi ẹkemede ndin̄wam mmọ ndinen̄ede ndara mme isua uyen mmọ.” Kot Ecclesiastes 12:1.