Ekebe Mbụme

◼ Nso idi mfọnn̄kan usụn̄ nditịp okụk man ẹda ẹn̄wam nditọete oro ẹdude ke unana ke esenidụt?

Ke ndusụk ini, nnyịn imesikop iban̄a nditọete ke esenidụt oro mînyeneke n̄kpọ udu uwem ke ntak ukọbọ, unọmọ, m̀mê mme n̄kpọsọn̄ idaha eken. Esinụk ndusụk nditọete ndinọ okụk nnennen nnennen ẹsọk ọfis n̄kọk itieutom ke mme utọ idụt oro, ẹben̄ede ẹte ẹda okụk oro ẹn̄wam akpan owo kiet, esop, mîdịghe ẹsịn ke akpan utom ubọpn̄kpọ.—2 Cor. 8:1-4.

Ke adan̄aemi ẹtorode utọ ima ima edikere mban̄a oro ẹwụtde ẹnọ ekemmọ mme andinịm ke akpanikọ do, ediwak ini, mme n̄kpọ efen ẹsidu oro oyomde ẹsọsọp ẹnam akan mme n̄kpọ oro andinọ utọ un̄wam oro enyenede ke ekikere. Ke ndusụk idaha, ẹma ẹkam ẹsese ẹban̄a mfịna oro. Ke akpanikọ, nnyịn imekeme nditịm mfiọk nte ke ini ẹnọde etịbe ẹsọk ọfis n̄kọk itieutom n̄kann̄kụk kaban̄a utom ofụri ererimbot, Okụk Ufọkmbono Obio Ubọn̄, m̀mê un̄wam ke mme ini afanikọn̄, ẹyeda okụk emi ẹnam n̄kpọ ke usụn̄ oro andinọ etemede.

Ẹtịm ẹteme nditọete emi ẹnamde utom ke kpukpru n̄kọk itieutom ẹte ẹnam n̄kpọ usọp usọp ẹban̄a mbabuat n̄kpọntịbe. Ke kpukpru idaha, n̄kọk itieutom esinam Otu Ukara ọfiọk aban̄a mfịna emi. Edieke ẹyomde un̄wam efen efen, Otu Ukara ekeme ndidọhọ mme n̄kọk itieutom oro ẹdude ẹkpere ẹnọ un̄wam mîdịghe ibuot itieutom ẹkeme ndinọ okụk aka nnennen nnennen.—2 Cor. 8:14, 15.

Ntre, afo ẹkpenyene ndinọ kpukpru etịbe oro oyomde ẹda ẹsịn ke utom ofụri ererimbot, utom ubọpn̄kpọ ke esenidụt, m̀mê un̄wam ke mme ini afanikọn̄ ẹsọk ọfis n̄kọk itieutom emi odude ke idụt mbufo, ebe ke esop mîdịghe ọnọ ke idemfo. Ke usụn̄ emi ke “ofụn emi anamde akpanikọ onyụn̄ enyenede ọniọn̄” edise aban̄a se otu nditọete eke ofụri ererimbot ẹyomde ke nde ke nde, ẹtienede ndutịm oro Otu Ukara anamde.—Matt. 24:45-47; 1 Cor. 14:33, 40.