Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde June 27, 2005. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua May 2 esịm June 27, 2005. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, page 36–37.]

MME IDO UTỊN̄IKỌ

1. Ntak emi mme ikọ oro ẹwụtde nte n̄kpọ kiet ebietde efen ye mme ikọ oro ẹwụtde nte n̄kpọ kiet edide efen ẹdide okopodudu usụn̄ unọ ukpep-e? (Gen. 22:17; Ps. 1:3; Jas. 3:6) [be-EF p. 240 ikp. eki. 2-4, ekebe]

2. M̀mọ̀n̄ ke nnyịn ikeme ndikụt mme uwụtn̄kpọ oro ẹnọde nti ukpepn̄kpọ, edi nso ukpeme ke nnyịn ikpowụt ke afan̄ emi? [be-EF p. 242 ikp. eki. 1-2]

3. Nso ke oyom inyene ke ekikere ke ini imekde uwụtn̄kpọ oro editịmde enyene uforo? [be-EF p. 244 ikp. eki. 1-2]

4. Ntak emi ikpadade mme n̄kpọ oro ẹkụtde ke enyịn ke ini inọde ukpep, ndien didie ke Jehovah anam oro? [be-EF p. 247 ikp. eki. 1-2, ekebe]

5. Didie ke nnyịn ikeme ndida mme n̄kpọ oro ẹkụtde ke enyịn ke utom ukwọrọikọ nnyịn? [be-EF p. 248 ikp. eki. 1–p. 249 ikp. eki. 2]

UTỊN̄IKỌ NỌ. 1

6. Nso ndausụn̄ idu ke Ikọ Abasi ke se iban̄ade nditọ ndika ufọkn̄wed? [w03-EF 3/15 p. 12 ikp. eki. 2; p. 14 ikp. eki. 3]

7. Didie ke Jehovah ekenyene udọn̄ ke idem akparawa oro David, ndien didie ke David ekenyene udọn̄ ke Jehovah? [w03-EF 4/15 p. 29 ikp. eki. 4; p. 30 ikp. eki. 3]

8. Ntak emi Jehovah ekenemde esịt ye uwa Abel, ndien nso ke emi ọsọn̄ọ ọnọ nnyịn? (Gen. 4:4) [w03-EF 5/1 p. 28 ikp. eki. 4–p. 29 ikp. eki. 1]

9. Nso idi ‘ntụnọ Jehovah’ oro Mme N̄ke 3:11 etemede nnyịn ete ikûsịn? [w03-EF 10/1 p. 20 ikp. eki. 2-4]

10. Nso ke “ndiyụhọ ye se owo enyenede” nte ẹdade ẹtịn̄ ikọ ke 1 Timothy 6:6-8 ọwọrọ? [w03-EF 6/1 p. 9 ikp. eki. 1-2; p. 10 ikp. eki. 1]

EDIKOT BIBLE EKE URUA KE URUA

11. Nso ke mbọbọ ima oro okodude ke ufọt Jonathan ye David akada aban̄a? (2 Sam. 1:26) [w89-EF 1/1 p. 26 ikp. eki. 13]

12. Nso ke ẹkeme ndikpep nto David ndikodomo ke akpa ini ndimen ekebe ediomi ndụk Jerusalem? (2 Sam. 6:2-9)

13. Ke David ye Bath-sheba ẹma ẹkenam idiọkn̄kpọ, ntak eyen mmọ ekenyenede ndikpa, sia Deuteronomy 24:16 ye Ezekiel 18:20 ẹdọhọde ke eyen ikpakpaha iban̄a idiọkn̄kpọ ete esie? (2 Sam. 12:14; 22:31)

14. Nnyịn isan̄a didie ifiọk ke se Ziba eketịn̄de aban̄a Mephibosheth ekedi nsu? (2 Sam. 16:1-4)

15. Ntak emi nte Mephibosheth akanamde n̄kpọ aban̄a mfịna esie ye Ziba edide eti uwụtn̄kpọ ọnọ nnyịn? (2 Sam. 19:24-30)