Ndụn̄ọde Usen Akpan Mbono

Ẹdineme ibuotikọ emi ke Esoputom esisịt ini mbemiso esop akade usen akpan mbono eke 2006 ye esisịt ini ke mmọ ẹnyọn̄de ẹdi. Esenyịn oro etiede ibuot ayanam ndutịm man ẹnam ndụn̄ọde emi mbemiso ẹkade mbono ye ke ẹnyọn̄de ẹdi, nte ẹkewụtde ke Utom Obio Ubọn̄ Nnyịn eke December 2004, page 4. Ke ini ndụn̄ọde emi, ẹkpenyene ndibụp kpukpru mbụme, ẹwụkde ntịn̄enyịn ke nte nnyịn ikemede ndida ntọt oro ẹkenọde nsịn ke edinam.

EDINAM USENUBỌK

1. Ndinam enyịn owo enen̄ede ese ọwọrọ nso, ndien ntak ọsọn̄de ndinam oro mfịn? (“Ntak Emi Anamde Enyịn Fo Enen̄ede Ese?”)

2. Didie ke nnyịn ibọ ufọn ito edinam enyịn nnyịn ẹnen̄ede ẹse? (“Bọ Ufọn to Edinam Enyịn Fo Enen̄ede Ese”)

3. Nso n̄kpọndịk ke mme inua-okot edinam ofụri usen akama? (“Ndinam Enyịn Nnyịn Ẹnen̄ede Ẹse ke Idiọk Ererimbot Emi”)

EDINAM UWEMEYO

4. Didie ke mme ete ye eka ye mbon efen ẹkeme ndisịn udọn̄ nnọ mme uyen ndibịne mme utịtmbuba eke spirit? (“Mme Ete ye Eka Oro Ẹtịmde Ẹket Idan̄ Mmọ” ye “Mme Uyen Oro Ẹnyanarede Ẹbịne Mme Utịtmbuba eke Spirit”)

5. Didie ke nnyịn ikeme ndisan̄a ikpat kiet ye esop Jehovah (a) nte owo kiet kiet? (b) nte ubon? (c) nte esop? (“Tịn̄ Enyịn San̄a ye Esop Jehovah”)