Se Ẹkpetịn̄de Ẹban̄a Mme Magazine

Enyọn̄-Ukpeme ® Aug. 15

“Ke ini owo akpade enyene-ndịk n̄kpa, ediwak owo ẹsikere se isitịbede ke n̄kpa. Ndi afo emekere ke ẹkeme ndidiọn̄ọ se n̄kpa edide? [Bet ibọrọ.] Magazine emi anam an̄wan̄a se Bible etịn̄de aban̄a idaha mbon oro ẹma ẹkekpan̄a. Enye eneme n̄ko un̄wọn̄ọ Abasi ndinam mbon ima nnyịn oro ẹma ẹkekpan̄a ẹset ke n̄kpa.” Kot John 5:28, 29.

Awake! Aug. 22

“Ndi afo ọmọfiọk ke ndinyene nnyụn̄ nse mban̄a ndiye itie ndise oro mme akaisan̄ ẹkade ndise edi akpan mbubehe idahaemi ke ererimbot? [Bet ibọrọ.] Uforo oro ndiye itie ndise emi enyenede ada mme ufọn edi onyụn̄ ada mme afanikọn̄ edi n̄ko. Magazine emi eneme nti ye ndiọi utịp oro mme andise mban̄a ndiye itie ndise emi ẹsobode. Enye n̄ko ọnọ nti item oro ẹkemede ndifọn ye mbon oro ẹkade isan̄ ke esen idụt.”

Enyọn̄-Ukpeme ® Sept. 1

“Mme owo ke ererimbot mfịn ẹma owo oro anamde akpanikọ, edi mmọ ke idemmọ inamke akpanikọ. Ndi ikpọfọnke edieke ediwak owo ẹkpetiede nte ufan oro ẹtịn̄de ẹban̄a ke itien̄wed emi? [Kot Mme N̄ke 17:17. Ekem bet ibọrọ.] Magazine emi eneme mme ufọn edinam akpanikọ nnọ ubon ye mme ufan nnyịn.”

Awake! Sept. 8

“Ekeme ndidi idem esikpa fi aban̄a edidianakiet oro odude ke ufọt mme n̄kpọ obot. [Siak kiet ke otu uwụtn̄kpọ oro ẹsịnde ke ibuotikọ.] Ndi idịghe n̄kpọ mfụhọ nte ke mme owo inen̄ekede idiana kiet? [Bet ibọrọ.] Magazine emi etịn̄ nte Abasi ediwarade ada emem ye edidianakiet edi ke ererimbot nnyịn emi.” Kot Isaiah 11:9.