Se Ẹkpetịn̄de Ẹban̄a Mme Magazine

Enyọn̄-Ukpeme Nov. 15

“Ediwak owo ẹsikere m̀mê nsinam mme mfịna oro ubonowo ẹsobode ẹnen̄erede ẹsọn̄ ubọk ntem. Ndi akanam afo emekere se ufan̄ikọ emi ọdọhọde nte se ikemede ndidi ntak? [Kot Ediyarade 12:9. Ekem bet ibọrọ.] Magazine emi eneme mme usụn̄ oro Devil adade abian̄a mme owo ye nte nnyịn ikemede ndibiọn̄ọ odudu esie.”

Awake! Nov. 22

“Okposụkedi ẹnyenede uwak udia ndinọ kpukpru owo ke ererimbot, n̄kpọ nte owo miliọn 800 isidiaha udia iyụhọ. Nte oro idịghe n̄kpọ mmọn̄eyet? [Bet ibọrọ.] Magazine emi eneme ikpọ mfịna oro ẹsinyenede ke ndinọ mme obio udia. Enye n̄ko eneme un̄wọn̄ọ Bible oro aban̄ade ererimbot oro biọn̄ mîdidụhe aba.” Kot Psalm 72:16a.

Enyọn̄-Ukpeme Dec. 1

“Ke ini mme owo ẹkopde ikọ oro ‘Armageddon,’ ediwak owo ẹsikere ẹban̄a ata enyene-ndịk nsobo. [Wụt ekebe oro odude ke page 3.] Ndi ekeme ndikpa fi idem ndifiọk nte ke Armageddon edi kiet ke otu mfọnn̄kan n̄kpọ oro ekemede ndisịm nnyịn? [Bet ibọrọ.] Magazine emi etịn̄ ntak edide ntre.” Kot 2 Peter 3:13.

Awake! Dec. 8

“Nyom ndineme ye afo mban̄a ini oro kpukpru owo ẹdinyenede eti ufọkidụn̄. Nte idịghe n̄kpọ mbọm ndifiọk nte ke ediwak owo inyeneke ufọkidụn̄? [Bet ibọrọ. Ekem kot Isaiah 65:21, 22.] Magazine emi eneme ntak emi ediwak owo mînyeneke ufọkidụn̄. Enye n̄ko etịn̄ nte Abasi edinamde un̄wọn̄ọ oro nnyịn ikotde do osu.”