Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde December 26, 2005. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua November 7 esịm December 26, 2005. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36–37.]

MME IDO UTỊN̄IKỌ

1. Nnyịn ikeme ndinam nso man ikụt ke inọ item “ke ntak ima”? (Philem. 9) [be-EF p. 266]

2. Ke nso usụn̄ ke ikeme ‘ndida eti ukpepn̄kpọ nteme mme owo’? (Titus 1:9) [be-EF p. 267 ikp. eki. 1-2]

3. Ntak ọfọnde inam utịn̄ikọ nnyịn esịn udọn̄ ọnọ mme owo, ndien didie ke ikeme ndinam emi? [be-EF p. 268 ikp. eki. 1-3, ekebe]

4. Ukem nte Moses, didie ke nditi se Jehovah anamde ọnọ ikọt esie ọsọn̄ọ nnyịn idem ndinyene uko? (Deut. 3:28; 31:1-8) [be-EF p. 268 ikp. eki. 5–p. 269 ikp. eki. 2]

5. Ntak emi nditịn̄ ye idatesịt mban̄a se Jehovah anamde idahaemi ye se enye edinamde ke ini iso edisịnde udọn̄ ọnọ otuowo? [be-EF p. 270-271]

UTỊN̄IKỌ NỌ. 1

6. Didie ke ikeme ndisọn̄ọ ekemmọ mme andinịm ke akpanikọ idem? [w03-EF 5/15 p. 22 ikp. eki. 5–p. 23 ikp. eki. 2]

7. Nso orụk enọ enem Abasi esịt? [w03-EF 6/1 p. 5 ikp. eki. 2]

8. Didie ke owo esikpep ndima ima? [w03-EF 7/1 p. 4 ikp. eki. 1; p. 5 ikp. eki. 4]

9. Nso idi ndusụk nti usụn̄ ndinam se ifọnde nnọ mbon en̄wen? (Gal. 6:9, 10) [w03-EF 7/15 p. 7 ikp. eki. 2-3]

10. Siak edumbet ita oro ẹkọn̄ọde ke Bible oro ẹkemede ndin̄wam ndinam nti ubiere. [w03-EF 10/15 p. 4-5]

EDIKOT BIBLE EKE URUA KE URUA

11. Ndi owo ndikọdọhọ David okûbọp temple owụt ke Jehovah ikenyịmeke mme ekọn̄ oro David akan̄wanade? (1 Chron. 22:6-10)

12. Ke akam ediyak temple nnọ, didie ke Solomon okowụt nte ke Jehovah isinọhọ ntịn̄enyịn ke se mme asan̄autom esie ẹyomde nte otu kpọt edi ọfiọk n̄ko san̄asan̄a idaha owo kiet kiet oro eten̄ede enye? (2 Chron. 6:29, 30)

13. Nso idi mme “okpo-ebot” oro ẹtịn̄de ẹban̄a ke 2 Chronicles 11:15?

14. Sia Baasha ọkọtọn̄ọde ndikara “ke ọyọhọ isua Asa edidem Judah ita,” onyụn̄ akarade ke isua 24 kpọt, didie ke nnyịn ikeme ndinam emi odu ke n̄kemuyo ye Baasha ndidi “ekọn̄ ye Judah” ke “ọyọhọ isua Asa edịp ye efịtekiet”? (1 Ndi. 15:33; 2 Chron. 16:1)

15. Didie ke 2 Chronicles 20:22, 23 ọnọ in̄wan̄-in̄wan̄ uwụtn̄kpọ aban̄a se iyomde nditịbe ke ererimbot Satan?