Se Ẹkpetịn̄de Ẹban̄a Mme Magazine

Enyọn̄-Ukpeme Sept. 15

Siak mbụk n̄kpọntịbe ndondo emi, oro ebehede mme owo ke n̄kann̄kụk. Ekem bụp ete: “Nte afo emekere ke ufan̄ikọ Bible emi etịn̄ nnennen nnennen aban̄a mme ini oro nnyịn idude mi? [Kot 2 Timothy 3:1, nyụn̄ bet ibọrọ.] Ibuotikọ emi odụn̄ọde mme n̄kpọ oro ẹwụtde ke idu ke mme akpatre usen onyụn̄ owụt se nnyịn ikpanamde.”

Awake! Sept.

“Ediwak owo ẹkere ke ẹkebobot nnyịn. Mbon en̄wen ẹkere ke nnyịn ikoto ke unam iforo owo. Afo ekere didie? [Bet ibọrọ.] Kop ekikere oro ẹnọde mi ndin̄wam nnyịn isịm nnennen ubiere. [Kot Job 12:7, 8.] San̄asan̄a nsiondi Awake! emi eneme se nnyịn ikemede ndikpep nto ọniọn̄ ye ndudiọn̄ emi ẹdude ke obot.”

Enyọn̄-Ukpeme Oct. 1

“Mme ekpepn̄kpọ mban̄a mme odu-uwem n̄kpọ ke ẹdomo ndisio udọn̄ọ mfep nnyụn̄ nnam nnyịn idu uwem ibịghi. Nte afo emekere ke ẹkeme ndidu uwem ke nsinsi? [Bet ibọrọ.] Se ntak esidọn̄de nnyịn ndidu uwem mbịghi mi. [Kot Ecclesiastes 3:11.] Magazine emi anam an̄wan̄a ntak emi Abasi okobotde nnyịn ye udọn̄ ndidu uwem ke nsinsi.”

Awake! Oct.

“Ekpere ndidi kpukpru owo ẹsima ndise ekebe ndise. Edi nte afo emekere ke nnyịn ikpenyene ndisasat se isede? [Bet ibọrọ. Ekem kot N̄ke 13:20.] Magazine emi eneme nte ekebe ndise esinyenede odudu ke idem nnyịn, onyụn̄ ọnọ mme ekikere ke nte ikpasatde-sat se isede.”