Ndụn̄ọde Ufọkn̄wed Utom Ukara Abasi

Ẹdineme mme mbụme ndụn̄ọde oro ẹtienede mi ke Ufọkn̄wed Utom Ukara Abasi ke urua ọtọn̄ọde April 30, 2007. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua March 5 esịm April 30, 2007. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36-37.]

MME IDO UTỊN̄IKỌ

1. Didie ke ikpanam n̄wed utịn̄ikọ nnyịn edi mmemmem? [be p. 168 ikp. eki. 4]

2. Siak usụn̄ inan̄ oro ẹkemede ndinọ utịn̄ikọ ke usụn̄ oro owụtde ifiọk. [be p. 170 ikp. eki. 3–p. 172 ikp. eki. 5]

3. Mme akpan n̄kpọ ewe ke ikpeti ke ini iyomde ndibiere se ikpesịnde ke utịn̄ikọ nnyịn? [be p. 173 ikp. eki. 1-2]

4. Nso idi ndusụk ufọn utịn̄ikọ oro owo mîkotke-kot ke n̄wed? [be p. 175 ikp. eki. 2-4]

5. Ntak emi editịn̄ ikọ ke ido nneme edide akpan n̄kpọ, ndien didie ke nnyịn ikeme ndikọri edu emi? [be p. 179 ikp. eki. 4, ekebe; p. 180, ekebe]

UTỊN̄IKỌ NỌ. 1

6. Didie ke eyenete ekpetịm idem ke ini ẹdọhọde enye eneme mme akpan n̄kpọ ẹtode edikot Bible eke urua ke urua? [be p. 47 ikp. eki. 3-4]

7. Nso inen̄ede idi akpan n̄kpọ ke ufak Christ ikan mme ufọn oro nnyịn ibọde? [w05 11/1 p. 14 ikp. eki. 1]

8. Didie ke ẹkpeda mme itie N̄wed Abasi oro ẹdude ke n̄wed utịn̄ikọ an̄wa ẹnam n̄kpọ? [be p. 53 ikp. eki. 1-2]

9. Nte andikpep, nso ikedi uduak Jesus, ndien didie ke ikeme ndikpebe enye? [be p. 57 ikp. eki. 1]

10. Ntak emi ediwụt ukpụhọde enyenede ufọn ke ukpepn̄kpọ? [be p. 57 ikp. eki. 3-4]

EDIKOT BIBLE EKE URUA KE URUA

11. Didie ke nnyịn ikpodomo ndinam item oro ke Jeremiah 6:16, emi ọdọhọde ẹsan̄a ke ‘mme ọkpọusụn̄ eset emi Eti usụn̄’ odude?

12. Ntak emi Jehovah ekemekde ndida stork nnọ mme Jew oro mîkanamke akpanikọ ukpep oro ẹkụtde ke enyịn, ndien nso ke nnyịn ikeme ndikpep nto emi? (Jer. 8:7)

13. Nso ebuana ke Jeremiah 15:17 enyene ye usụn̄ oro nnyịn isede edinam unọ idem inemesịt mfịn?

14. Didie ke ubonowo etie nte mbat emi odude ke ubọk Jehovah, kpa Akwa Obot-Eso? (Jer. 18:5-11)

15. Didie ke usụn̄ oro ẹsiakde mme idụt ke Jeremiah 25:17-26 ebiet eke eyo nnyịn?