Se Ẹkpetịn̄de Ẹban̄a Mme Magazine

Enyọn̄-Ukpeme Apr. 15

“Etie nte ibak ibak edinam edidi ọsọ n̄kpọ idahaemi. [Nọ uwụtn̄kpọ n̄kann̄kụk, mîdịghe sio uwụtn̄kpọ kiet oro odude ke magazine emi nọ.] Nte akanam emekere se ikpanamde mme owo ẹbak ibak ntre? [Bet ibọrọ.] Bible ama ebem iso etịn̄ ke mme owo ẹditie ntre. [Kot 2 Timothy 3:1-5.] ‘Ndi ibak eyetre tutu amama?’ Magazine emi ọbọrọ mbụme oro.”

Awake! Apr.

“Ediwak owo ẹdọhọ ke idi mme Christian. Afo ekere ke ndidi Christian ọwọrọ nso? [Bet ibọrọ.] Kop se Jesus eketịn̄de mi. [Kot John 15:14.] Ibuotikọ emi owụt ke oyom owo anam se ikande ikpîkpu edidọhọ ke idi Christian.” Wụt ibuotikọ oro ọtọn̄ọde ke page 26.

Enyọn̄-Ukpeme May 1

“Mme ete ye eka ẹsinen̄ede ẹkop mfụhọ ke ini eyen mmọ akpade. Afo ekere ke m̀mọ̀n̄ ke mmọ ẹkpeka ẹkebọ ndọn̄esịt? [Bet ibọrọ. Ekem kot Rome 15:5.] Magazine emi eneme ndusụk usụn̄ oro Abasi esidọn̄de mbon oro ẹfụhọde esịt.”

Awake! May

“Ndusụk owo ẹdi imọ, ke adan̄aemi ata ediwak eken ẹdide ubuene. Nte afo emekere ke tutu amama nnyịn iyokụt ini emi kpukpru owo ẹdidide ukem? [Bet ibọrọ.] Kop nte Abasi esede mme ubuene mi. [Kot Psalm 22:24.] Magazine emi owụt idotenyịn oro Bible ọnọde mme ubuene.”