Mme Ntọt

◼ August: Ẹkeme ndinọ ekededi ke otu ndiye uduot n̄kpri n̄wed ẹnyenede page 32 oro ẹtienede mi: Afo Emekeme Ndidi Ufan Abasi!, Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ẹdu ke Ukpeme!, Ke Ini Owo Oro Afo Amade Akpade, Mme Ntiense Jehovah—Mmanie ke Mmọ Ẹdi—Nso ke Mmọ Ẹnịm ke Akpanikọ? Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye? September: Ẹdinọ n̄wed Nso ke Bible Enen̄ede Ekpep? Ẹkpenyene ndisịn san̄asan̄a ukeme nditọn̄ọ ukpepn̄kpọ Bible ke akpa ediwaha. Edieke edide enyeneufọk ama enyenyene n̄wed emi, wụt nte enye ekemede ndibọ ufọn nto n̄wed emi ebe ke ndinam ibio ibio n̄wụt nte ekpekpepde enye. October: Nọ Enyọn̄-Ukpeme ye Awake! Ke ebiet oro ẹwụtde udọn̄, mbọk nọ tract oro Nte Afo Akpama Ndifiọk N̄kpọ Efen Efen Mban̄a Bible?, neme se isịnede ye uduak editọn̄ọ ukpepn̄kpọ Bible.

◼ Sia September enyenede utịturua ition, emi edidi ata eti ọfiọn̄ ndinam utom usiakusụn̄ unọ un̄wam.

◼ Ẹti mbiowo ndinam n̄kpọ mban̄a ntọt oro ẹkenọde ke page 21-23 ke Enyọn̄-Ukpeme eke April 15, 1991, kaban̄a owo ekededi oro ẹkesiode ẹfep m̀mê oro ẹkekpọn̄de esop ke idemmọ emi ẹkemede ndinyene udọn̄ ndinam n̄kpọ man ẹfiak ẹda.

◼ Mme owo ẹbụp m̀mê enen ndinam usọrọ ndọ ke Ufọkmbono Obio Ubọn̄ m̀mê ke okụre esie. Inaha ẹda Ufọkmbono Obio Ubọn̄ ẹnam usọrọ ndọ ekededi, sia emi edinamde enye okûnyene uku nte itie utuakibuot. Enyọn̄-Ukpeme ikọmbakara eke September 15, 1956, page 571, ikpehe ekikere 12, ọdọhọ ete: “Ẹkeme ndidian ndọ ke Ufọkmbono Obio Ubọn̄ ke ini ekededi oro mîdituahake ye ini mbono esop m̀mê mme ndutịm eken ke esop. Owo ikpenyeneke ndinam usọrọ ndọ ke Ufọkmbono Obio Ubọn̄, ẹnamde enye akabade edi itie unọ idem inemesịt.” Ikpanaha otu mbiowo ẹnyịme ẹda Ufọkmbono Obio Ubọn̄ m̀mê okụre esie ẹnam usọrọ ndọ. Ẹtịm man Inam Uduak Jehovah, page 120-123, etịn̄ se ẹkemede ndida Ufọkmbono Obio Ubọn̄ nnam ye nte ẹkemede nditịm enye n̄kama.