Ekebe Mbụme

◼ Nte ọfọn ndidian ọkpọkpọ adres e-mail nnyịn ke mme n̄wed oro nnyịn inọde mme owo?

Ndusụk mme asuanetop ẹsida ufịkn̄kpọ mîdịghe ẹmịn̄ ọkpọkpọ adres e-mail mmọ ẹdian ke mme magazine m̀mê tract oro mmọ ẹnọde mme owo. Ke ndinam emi, mbon oro ẹbọde mme n̄wed emi ẹsikeme ndisobo ye asuanetop oro man ẹbọ ntọt efen efen. Mbon oro ẹsisịnde utọ ukeme oro man ẹn̄wam mbon emi ẹnyenede udọn̄ mi ẹnyene eti uduak. Nte ededi, ikpehe Intanet nnyịn ododu ke edem mme magazine ye tract. Ke ntem, ekpenen̄ede ọfọn edieke nnyịn mîdianke ọkpọkpọ adres e-mail nnyịn ke mme n̄wed.

Edi ọkpọkpọ ubiere edieke asuanetop adade isio isio babru ewet ntọt aban̄ade nte ẹkpesan̄ade ẹsobo ye imọ ọnọ mme owo ke efakutom, akpan akpan ke ini anamde mme mfiakn̄ka. Nnyịn ikpenyene ndifiak mbịne mbon oro ẹnyenede udọn̄ utu ke ndiyak mmọ ẹdedi ẹbịne nnyịn man ẹdibọ ntọt efen efen. Nnyịn imekeme ndinen̄ede n̄wụt ọkpọkpọ udọn̄ ke ini itịn̄de ikọ ye owo iso ye iso.