Mme Ntọt
◼ Mme n̄wed ẹnọde ke June: Tuak Ibuot nọ Ata Abasi Kierakiet. July ye August: Ẹkeme ndinọ ekededi ke otu ndiye uduot n̄kpri n̄wed ẹnyenede page 32 ẹtienede mi: Afo Emekeme Ndidi Ufan Abasi!, Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ẹdu ke Ukpeme!, Ke Ini Owo Oro Afo Amade Akpade, Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye? September: Nso ke Bible Enen̄ede Ekpep? Nen̄ede sịn ukeme nditọn̄ọ ukpepn̄kpọ Bible ke akpa ediwaha. Edieke edide mme enyeneufọk ẹma ẹnyenyene n̄wed emi, wụt nte mmọ ẹkemede ndibọ ufọn nto enye ebe ke ndinam ibio ibio n̄wụt nte ẹkpekpepde enye.
◼ Sia August enyenede utịturua ition, enye edidi ata eti ọfiọn̄ ndinam usiakusụn̄ unọ un̄wam.
◼ Owo emi esenyịn oro etiede ibuot emekde ekpenyene ndidụn̄ọde ibatokụk esop eke ọfiọn̄ March, April, ye May. Ke ẹma ẹkenam emi, ẹkpenyene nditọt esop ke ẹma ẹkekot ntọt ibatokụk efen.—Se Instructions for Congregation Accounting (S-27).
◼ Ọfọn ndikpọn̄ n̄wed eben̄e utom usiakusụn̄ ofụri ini nnọ n̄kọk itieutom ke nsụhọde n̄kaha usen 30 mbemiso usenọfiọn̄ oro ẹyomde nditọn̄ọ. Ewetn̄wed esop ekpenyene ndidụn̄ọde babru emi man okụt ete ke ẹwet n̄kpọ ẹyọhọ. Edieke mbon oro ẹsịnde n̄wed eben̄e mîtịghi nnennen usenọfiọn̄ baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm. Ewetn̄wed ekpenyene ndiwet usenọfiọn̄ emi ke kad Congregation’s Publisher Record (S-21).
◼ Ọtọn̄ọde ke January 2008, ẹmekot Enyọn̄-Ukpeme ye Awake! ke Ikọmbakara ye usem Spanish ẹdọn̄ ke ikpehe ndutịm Intanet emi www.jw.org. Ediwak owo ẹma ndisika n̄kosio mme magazine emi ẹkotde ẹdọn̄ ke Intanet mi mbemiso eke MP3 edisịmde esop. Ini ekededi oro ẹkade ẹkesion̄o se ẹkekotde ẹdọn̄ do, esop Abasi esinyene ndikpe okụk. Nte ededi, ndinam mme owo ẹka do ẹkesio se mmọ ẹyomde emem urua akan ndinam usan umụmikọ nnọ ẹka mme esop. Ke ntem, mme asuanetop oro ẹsikade Intanet ẹkesio mme magazine emi ẹkpenyene ndidọhọ eyenete oro akamade n̄wed ke mmimọ iyomke aba eke usan umụmikọ MP3. Nte ini akade, ẹyedian mme usem en̄wen ke ikpehe www.jw.org emi.
◼ Mbọk ẹfiọk ẹte ke san̄asan̄a n̄wedikot ididụhe ndida ntọt mbono district eke 2008. Nte ededi, nnyịn ke idiomi akpan ubịnikọt ofụri ererimbot ke n̄kpet n̄kpet ini iso. Ama ekem iyọnọ ntọt efen efen iban̄a ndutịm emi.
◼ Anaedi mbufo ẹma ẹkụt ke Mme Obio Mbono District Eke 2008/2009 oro ẹkemịn̄de ke Utom Obio Ubọn̄ Nnyịn eke April 2008 ama owụt nte ke mbono Uyo editọn̄ọ ke October 3-5, ndien eke Badagry ọtọn̄ọ ke October 10-12. Mbọk ẹtịm ẹfiọk ẹte ke idịghe ntre aba. Mbono Badagry ye eke Uyo ẹditọn̄ọ ke September 26-28.